Eowyn Mamalias í 5 sæti á EM

Eowyn Marie Mamalias í BF Hróa Hetti í Hafnarfirði endaði i 5 sæti með trissuboga kvenna liðinu á EM ungmenna í Lilleshall Bretlandi í gær.

Ítalía slær Ísland út af EM með heimsmetaleik í 8 liða úrslitum

Í dag var Eowyn að keppa í einstaklingskeppni á EM. Eowyn var í 25 sæti í undankeppni einstaklinga og mætti í sínum fyrsta útslætti Ipek Tomruk frá Tyrklandi sem var í 8 sæti í undankeppni mótsins. Ipek er reyndur keppandi og vann meðal annars brons á EM U21 innandyra fyrr á árinu í brons úrslitaleik gegn Önnu Maríu Alfreðsdóttir liðsfélaga Eowyn á mótinu. Ekki auðveldasti andstæðingur til að mæta í fyrsta leik. Leikurinn endaði 145-135 fyrir þeirri Tyrknesku og Eowyn því í 17 sæti í einstaklingskeppni á EM ungmenna.

 

Eowyn hefur sett miðið á EM innandyra í febrúar á næsta ári þar sem hún ætlar sér að komast í gull eða brons úrslitaleik með trissuboga kvenna U21 liðinu.

Almennt um mótið

Mögulegt er að fylgjast með úrslitum mótsins í heild sinni á ianseo.net

Mögulegt er að finna myndir af mótinu hér:

BFSÍ Smugmug

Archery GB Smugmug

Word Archery Europe Smugmug

Íslensku keppendurnir á EM ungmenna fyrir BFSÍ (Bogfimisamband Íslands) eru eftirfarandi:

  • Anna María Alfreðsdóttir – ÍF Akur Akureyri
  • Eowyn Marie Mamalias – BF Hrói Höttur Hafnarfirði
  • Freyja Dís Benediktsdóttir – BF Boginn Kópavogi
  • Ragnar Smári Jónasson – BF Boginn Kópavogi
  • Valgerður Einarsdóttir Hjaltested – BF Boginn Kópavogi
  • Marín Aníta Hilmarsdóttir – BF Boginn Kópavogi
  • Halla Sól Þorbjörnsdóttir – BF Boginn Kópavogi

Evrópumeistaramót ungmenna utandyra 2022 15-20 ágúst er haldið í Lilleshall Bretlandi sem er eitt af þrem National Training Centers í landinu. Mikil hitabylgja var áður en mótið hófst og hitastig fór allt upp í 40°, en þegar mótið hófst hafði hitabylgjan gengið yfir að mestu og hiti var almennt yfir 20° með regnskúrum á milli og litlum vindi.

300 keppendur úr 30 Evrópuþjóðum eigast við á mótinu í Bretlandi. Af þeim eru 7 keppendur frá Íslandi. Þetta er í fyrsta sinn sem Ísland tekur þátt í EM ungmenna utandyra í bogfimi, en fyrst var miðað á þátttöku á EM ungmenna utandyra 2020 en því móti var aflýst vegna kórónuveirufaraldursins.

Be the first to comment

Leave a Reply

Your email address will not be published.


*


Ert þú manneskja? * Time limit is exhausted. Please reload CAPTCHA.

This site uses Akismet to reduce spam. Learn how your comment data is processed.