Ragnar Smári Jónasson sýndi frábæra frammistöðu og vann silfur í bæði einstaklings og liðakeppni í trissuboga karla U18 á Norðurlandameistaramóti ungmenna sem haldið var í Larvik Noregi um mánaðarmótin (30 júní-2 júlí). Til viðbótar við að slá Íslandsmet einstaklinga, setja tvö Norðurlandamet í liðakeppni og tvö Íslensk landsliðsmet. Tvö silfur, þrjú Íslandsmet og tvö Norðurlandamet er nokkuð gott á einni helgi og toppar árangurinn hans frá NM ungmenna 2022 þar sem hann vann silfur í liðakeppni og 4 sæti í einstaklingskeppni.
https://bogfimi.smugmug.com/NUM-2023/i-LPSgDNk/A
Það blés ansi fast í gull úrslitaleiknum á sunnudeginum og erfiðar aðstæður til að skjóta í. Þar mætti Ragnar hinum Finnska Riippi Joonas í keppni um titilinn. Leikurinn var jafn en Riipi tók sigurinn 133-129 gegn Ragnari. Mögulegt er að horfa á leikinn í heild sinni hér:
Í liðakeppni var lið Íslands (Ragnar, Ísar og Jóhannes) efst í undankeppni mótsins og sló landsliðsmet og Norðurlandametið í undankeppni liða. Ísland var því talið sigurstranglegasta liðið á mótinu en þurfti að sætta sig við silfur eftir að tapa fyrir sameiginlegu liði Finnlands og Danmerkur í gull úrslita leiknum.
Samantekt af niðurstöðum og árangri Ragnars af NM ungmenna 2023:
- Silfur CU18M
- Silfur lið CU18
- Íslandsmet CU18M 669
- Landsliðsmet CU18 unisex 1889
- Landsliðsmet CU18 unisex útsláttarkeppni 202
- Norðurlandamet lið CU18
- Norðurlandamet lið CU18 útsláttur
Semsagt mjög árangursrík helgi hjá Ragnari, sem keppir með Bogfimifélaginu Boganum í Kópavogi.
https://bogfimi.smugmug.com/NUM-2023/i-W6vbjwh/A
Nánari upplýsingar um Norðurlandamótið og gengi Íslands er hægt að finna í frétt Bogfimisambands Íslands hér: