Ísas Logi Þorsteinsson tók einstaklings brons og liða silfur í trissuboga karla U18 á Norðurlandameistaramóti ungmenna sem haldið var í Larvik Noregi um mánaðarmótin (30 júní-2 júlí). Til viðbótar við að setja tvö Norðurlandamet í liðakeppni og tvö Íslensk landsliðsmet.
https://bogfimi.smugmug.com/NUM-2023/i-XMfpvFR/A
Þetta eru fyrstu einstaklingsverðlaun sem Ísar vinnur til á NM ungmenna, en hann vann silfur í liðakeppni á NM ungmenna á síðasta ári.
Í brons úrslitaleiknum á NM ungmenna núna mætti Ísar landa sínum Jóhannes Karl Klein þar sem hann sigraði örugglega 132-121.
Í liðakeppni var lið Íslands (Ísar, Ragnar og Jóhannes) efst í undankeppni mótsins og sló landsliðsmet og Norðurlandametið í undankeppni liða. Ísland var því talið sigurstranglegasta liðið á mótinu en þurfti að sætta sig við silfur eftir að tapa fyrir sameiginlegu liði Finnlands og Danmerkur í gull úrslita leiknum.
https://bogfimi.smugmug.com/NUM-2023/i-HBmhGWq/A
Samantekt af niðurstöðum og árangri Ísars af NM ungmenna 2023:
- Brons CU21M
- Silfur lið CU21
- Landsliðsmet CU18 unisex 1889
- Landsliðsmet CU18 unisex útsláttarkeppni 202
- Norðurlandamet lið CU18
- Norðurlandamet lið CU18 útsláttur
Semsagt mjög árangursrík helgi hjá Ísar, sem keppir með Bogfimifélaginu Boganum í Kópavogi.
https://bogfimi.smugmug.com/NUM-2023/i-W6vbjwh/A
Nánari upplýsingar um Norðurlandamótið og gengi Íslands er hægt að finna í frétt Bogfimisambands Íslands hér: