Ólafur Ingi Brandsson í BF Boganum í Kópavogi varð Íslandsmeistari um helgina í berboga karla.
Björn Leví Gunnarsson úr sama félagi var andstæðingur Ólafs í gull keppni Íslandsmeistaramótsins.
Það sást á báðum að þeir voru farnir að anda mjög djúpt og taugarnar voru örugglega svipað spenntar og boginn. En Ólafur vann fyrstu 3 umferðirnar og vann því 6-0 á móti Björn Leví um gullið í berboga karla 2019.
Við spáðum Ólafi sigurinn á mótinu eftir undankeppnina en hann er mun reyndari keppandi undir pressu en Björn. Ólafur vann meðal annars 2 silfur og 1 brons á HM öldunga í bogfimi.
Berbogi karla var eini flokkurinn á Íslandsmeistaramótinu þar sem enginn alþjóðlegur keppandi var og því var enginn alþjóðlegur útsláttur í berboga.
Hægt er að skoða heildar framvindu mála í útslættunum á milli Ólafs og Bjarnar á youtube.