Magnús Darri Markússon úr BF Boganum í Kópavogi vann alla þrjá Íslandsmeistaratitlana sem honum stóðu til boða á Íslandsmóti U18 sem haldið var í Bogfimisetrinu um helgina (Karla, óháð kyni og félagsliða). Magnús náði einnig því afreki að vinna sinn þrítugasta Íslandsmeistaratitil ungmenna á mótinu, sem er afrek sem enginn annar Íslendingur hefur náð.
Magnús var efstur í undankeppni ÍMU18 bæði trissuboga kvenna og trissuboga allra með 582 stig og var talinn sigurstranglegastur í úrslitaleikjunum.
Úrslitaleikurinn um Íslandsmeistaratitil U18 karla:
Í úrslitaleiknum mættust Magnús og Birkir Björnsson liðsfélagi Magnúsar. Magnús skoraði 1 stigi hærra í næstum öllum lotum og náði nokkuð öruggum sigri 143-138 og tók Íslandsmeistaratitilinn. Birkir stóð sig vel á mótinu en Magnús er bara þetta hryllilega góður, enda hefur hann æft sig nánast daglega í mörg ár. Þetta þrítugasti Íslandsmeistaratitill Magnúsar yfirhöfuð á ferlinum.
Bergur Freyr BFB tók brons leikinn á móti Ágúst Inga úr ÍFA 140-127.
Úrslitaleikurinn um Íslandsmeistaratitil U18 (allir):
Í úrslitaleiknum mættust Magnús og Elísabet Fjóla Björnsdóttir liðsfélagi Magnúsar. Leikurinn byrjaði á jafntefli í fyrstu umferð 28-28, Magnús náði svo 2 stiga forystu eftir aðra umferð 30-28 og staðan 58-56 í leiknum. Magnús bæti öðru stigi við forskotið í þriðju umferð 87-84 og tveim stigum í viðbót í fjórðu umferð 116-111 og þau jöfnuðu svo síðustu umferðina 28-28, en staðan í leiknum 144-139 og Magnús tók því sigurinn og titilinn. Þetta var þrítugasti titill Magnúsar í ungmenna flokkum. Gaman er að geta þess einnig að Magnús sló Íslandsmetið í útsláttarleik tvisvar á mótinu.
Sóldís Inga tók brons leikinn á móti Berg Freyr 141-137 bæði úr BFB
Úrslitaleikurinn um Íslandsmeistaratitil U18 félagsliða:
Í úrslitaleiknum mættust:
- BF Boginn 1
- Magnús Darri Markússon
- Sóldís Inga Gunnarsdóttir
- BF Boginn 2
- Elísabet Fjóla Björnsdóttir
- Bergur Freyr Geirsson
Ljóst var að úrslitaleikurinn yrði jafn og spennandi þar sem að Elísabet og Fjóla (BFB 2) settu Íslandsmetið í útsláttarleik U18 félagsliðakeppni í undanúrslitum mótsins með 152 stig.
Fyrsta umferð úrslitana endaði jöfn 37-37, BFB1 (Magnús/Sóldís) náðu 2 stiga forskoti í annarri umferð 75-73 og juku forskotið um 1 stig í þriðju umferð 113-110. Í síðustu umferð úrslitaleiksins náði BFB2 (Fjóla/Bergur) að minnka muninn um 1 stig, en það var ekki nægilega til að taka sigurinn og BFB1 (Magnús/Sóldís) tók því sigurinn 151-149 og því félagsliðatitilinn.
BFB3 Birkir Björnsson og Eva María Einarsdóttir tóku bronsið. Félagið er það sterkast á Íslandi í trissuboga og þó að víðar væri leitað.
Samantekt af Íslandsmeistaratitlum
Magnús hefur samtals unnið samtals 32 Íslandsmeistaratitla, að meðtöldum þeim þrem sem hann vann á ÍM U18 um helgina.
- 15 einstaklings Íslandsmeistaratitlar U16 (10 karla og 5 óháð kyni)
- 3 einstaklings Íslandsmeistaratitlar U18 (2 karla og 1 óháð kyni)
- 11 félagsliða Íslandsmeistaratitlar U16
- 2 félagsliða Íslandsmeistaratitlar U18
- 1 félagsliða Íslandsmeistaratitill Meistaraflokki
Sýnt var beint frá gull úrslitaleikjunum á Archery TV Iceland Youtube rásinni hér:
Nánar er hægt að lesa um Íslandsmót U18 í frétt Bogfimisambands Íslands hér: