Haraldur Gústafsson í Skotfélagi Austurlands á Egilstöðum var valinn Sveigbogamaður BFSÍ árið 2023. Þetta er annað árið í röð sem Haraldur hreppir titilinn. BFSÍ veitti viðurkenninguna fyrsta árið sem sambandið starfaði 2020. Valið fer fram á hlutlausann veg byggt á útreikningi árangurs keppenda á árinu á innlendum og erlendum mótum.
Haraldur sýndi mikla yfirburði í sinni keppnisgrein innanlands á árinu þar sem hann skoraði hæsta skor í undankeppni allra Íslandsmeistaratitla ársins og vann þrjá af fjórum titlum í eina skiptið sem hann tók ekki titilinn tók hann silfur í keppni óháð kyni utandyra.
- Íslandsmeistari karla innandyra
- Íslandsmeistari karla utandyra
- Íslandsmeistari innandyra (óháð kyni)
Haraldur vann einnig fyrsta Íslandsmeistaratitil óháðan kyni í sveigboga, en formlegum titli í þeirri keppni var bætt við á árinu 2023, meðal annars til þess að koma á móts við kynsegin íþróttfólk og til að búa til vettvang þar sem að konur og karlar geta keppt gegn hvert öðru formlega.
Haraldur var skráður til keppni á Evrópumeistaramóti innandyra í febrúar 2023 í Samsun Tyrklandi. En því miður var EM aflýst þegar þjóðarsorg var lýst yfir í Tyrklandi vegna náttúruhamfara sem gengu yfir landið nokkrum dögum fyrir EM. Jarðskjálftahrina reið yfir landið, þar sem fleiri en 50.000 manns fórust og öllum viðburðum því aflýst í landinu. Síðar á árinu var Haraldur skráður til keppni á Heimsmeistaramótið utandyra, en degi áður en lagt var að stað á HM utandyra lenti Haraldur í bráðum veikindum þar sem að heilsa hans hraknaði óvænt mikið og hann þurfti því að aflýsa þátttöku sinni.
Þrátt fyrir það að hafa misst af báðum A-landsliðsverkefnum árið 2023 sem Haraldur var skráður til þátttöku í á árinu vegna veikinda og náttúruhamfara þá voru yfirburðir hans í sveigboga karla á Íslandsmeistaramótum slíkir að það tryggði honum titilinn í útreikningi.
Haraldur er skráður til keppni á Evrópumeistaramót innandyra í Króatíu í febrúar 2024 og áætlaður til þátttöku á Evrópumeistaramótið utandyra í Essen Þýskalandi í maí 2024. Við vonum að heimsfaraldrar, nátttúruhamfarir og bráðaveikindi standi ekki í vegi hans árið 2024 eins og það hefur því miður gerst á síðustu árum.
Hér fyrir neðan er hægt að finna nokkrar fleiri fréttir um árangur Haraldar á árinu.
Haraldur komin aftur á toppinn og tók báða einstaklings Íslandsmeistaratitlana
Haraldur komin aftur á toppinn og tók báða einstaklings Íslandsmeistaratitlana
Formlega lýkur tímabili fyrir mót sem notuð eru til tölfræðilegs útreiknings 30 nóvember, en þar sem að síðasta mót sem gæti haft áhrif á tölfræðilega valið lauk 19 nóvember var ákveðið að birta lokaniðurstöðurnar tölfræðinnar eins fljótt og mögulegt var.