Freyja Dís Benediktsdóttir var valin Trissubogakona BFSÍ árið 2023. Þetta er í fyrsta sinn sem Freyja hreppir titilinn. Valið fer fram á hlutlausann veg byggt á útreikningi árangurs keppenda á árinu á innlendum og erlendum mótum.
Árangur Freyju á árinu er það mikill að erfitt er að gera góða samantekt sem sleppir ekki of miklum upplýsingum. En hér er gróf samantekt af helsta árangri Freyju á árinu 2023:
- 7 Íslandsmeistaratitlar (5 í Meistaraflokki(M.fl.) og 2 í U21 flokki félagsliða og einstaklinga)
- 7 Íslandsmet (2 í M.fl. og 5 í U21.fl. félagsliða, landsliða og einstaklinga)
- 2 Norðurlandamet (U21.fl. landslið)
- Gull á heimslistamóti í Slóveníu (M.fl. landslið)
- Silfur á Evrópubikarmóti (U21.fl. landslið)
- Silfur á Norðurlandameistaramóti (U21.fl. landslið)
- Brons á Norðurlandameistaramóti (U21.fl. einstaklinga)
- Silfur á World Series (U21.fl. einstaklings)
- Silfur á alþjóðlegu landsmóti í Sviss (U21.fl. einstaklings)
- 7 sæti á World Series Open heimslista U21 2023
Freyja ekki langt frá því að tryggja sér 3 bronsverðlaun til viðbótar þar sem hún keppti í þremur brons úrslitaleikjum á Evrópubikarmótum U21 á árinu í einstaklings og liðakeppni (tvisvar í Sviss í liðakeppni og blandaðri liðakeppni og einu sinni í Slóveníu í einstaklingskeppni). Einnig er vert að geta að þetta er í fyrsta sinn sem Íslendingur vinnur til verðlauna á Evrópubikarmóti ungmenna og í fyrsta sinn sem Íslendingur vinnur til verðlauna í World Series.
Freyja er sem stendur í 2 sæti á World Series Elite heimslista U21 alþjóðabogfimisambandsins World Archery og er í raun búin að tryggja sér þátttöku í úrslitamóti World Series í Frakklandi í janúar 2024, þar keppa topp 16 í heiminum um World Series Champion titilinn.
Og þá erum við samt örugglega að gleyma einhverjum afrekum Freyju á árinu 😅
Vert er að geta að flokkurinn sem Freyja keppir í trissubogi kvenna er mjög sterkur á Íslandi. Trissuboga kvenna landsliðið í meistaraflokki, sem Freyja var einnig lykilmanneskja í, komst í 17 sæti á heimslista og 7 sæti á Evrópulista á árinu. Í liðinu eru stelpur sem hafa keppt til verðlauna á EM, keppt á Evrópuleikum og keppt til margra alþjóðlegra verðlauna á minni mótum. Því þeim mun meira afrek fyrir Freyju að hafa náð titlinum Trissuboga kona ársins í heimsklassa samkeppni á Íslandi.
Freyja er einn iðnasti þátttakandi í landsliðsverkefnum og keppti í 9 landsliðsverkefnum á árinu 2023 (hefðu verið 10 ef að EM innandyra hefði ekki verið aflýst vegna nátttúruhamfara í Tyrklandi). Freyja er áætluð til keppni í fleiri en 10 landsliðsverkefni á árinu 2024, meðal annars:
- World Series innandyra undankeppni U21.fl. Frakkland
- World Series innandyra úrslitamóti U21.fl. Frakkland (Keppni World Series Champion titil)
- EM innandyra U21.fl. Króatía
- EM utandyra M.fl. Þýskaland
- EM utandyra U21.fl. Rúmenía
- NM utandyra U21.fl. Danmörk
- EB utandyra U21.fl. Búlgaría
- EB utandyra M.fl. Króatía
https://bogfimi.smugmug.com/World-Series-23-24/i-D4WTrsB/A
Freyja lauk einnig á árinu alþjóðlegu þjálfarastigi 2 (af þremur) á vegum alþjóðabogfimisambandsins (World Archery Coach Level 2 – WACL2) á námskeiði sem BFSÍ skipulagði með styrk frá Ólympíusamhjálpinni (Olympic Solidarity) í júlí og var kennt af þjálfarakennara World Archery.
Hér fyrir neðan er hægt að finna nokkrar fleiri fréttir um árangur Freyju á árinu.
Kosið um hvort að Freyja Dís muni verða Íþróttakona Kópavogs, kosningu lýkur 4 jan
Kosið um hvort að Freyja Dís muni verða Íþróttakona Kópavogs, kosningu lýkur 4 jan
Kosið um hvort að Freyja Dís muni verða Íþróttakona Kópavogs, kosningu lýkur 4 jan
Kosið um hvort að Freyja Dís muni verða Íþróttakona Kópavogs, kosningu lýkur 4 jan
Kosið um hvort að Freyja Dís muni verða Íþróttakona Kópavogs, kosningu lýkur 4 jan
Kosið um hvort að Freyja Dís muni verða Íþróttakona Kópavogs, kosningu lýkur 4 jan
Kosið um hvort að Freyja Dís muni verða Íþróttakona Kópavogs, kosningu lýkur 4 jan
Kosið um hvort að Freyja Dís muni verða Íþróttakona Kópavogs, kosningu lýkur 4 jan
Kosið um hvort að Freyja Dís muni verða Íþróttakona Kópavogs, kosningu lýkur 4 jan
Kosið um hvort að Freyja Dís muni verða Íþróttakona Kópavogs, kosningu lýkur 4 jan
Formlega lýkur tímabili fyrir mót sem notuð eru til tölfræðilegs útreiknings 30 nóvember, en þar sem að síðasta mót sem gæti haft áhrif á tölfræðilega valið lauk 19 nóvember var ákveðið að birta lokaniðurstöðurnar tölfræðinnar eins fljótt og mögulegt var.