Elísabet Fjóla Björnsdóttir úr BFB Kópavogi var að keppa á Evrópubikarmóti ungmenna í Ruse Búlgaríu í U18 flokki trissuboga kvenna. Þar sem hún endaði í 4 sæti í liðakeppni og 20 sæti í einstaklingskeppni. Ásamt því sló hún þrjú landsliðs Íslandsmet í liðakeppni mótsins.
Einstaklingskeppni trissuboga kvenna U18
Í einstaklingskeppni endaði Fjóla í 20 sæti með 584 stig í undankeppni mótsins, sem er rúmum 100 stigum hærra en hennar besta áður á Evrópubikarmóti sem var 467 stig, einhverjar framfarir verið á þeim bæ. Fjóla mætti því Sungeun Choi frá Suður-Kóreu í 32 manna úrslitum (Þjóðir utan Evrópu mega keppa á Evrópubikarmótum, en mega ekki vinna Evrópubikarmótaröðina í heild sinni). En lukkan elti Fjólu ekki að þessu sinni og sú Kóreska tók sigurinn 142-126, Fjóla endaði því í 20 sæti í lokaniðurstöðum mótsins.
Liðakeppni trissuboga U18 kvenna
Í trissuboga kvenna liðakeppni bættu stelpurnar okkar (Sóldís, Fjóla og Eydís) Íslandsmet landsliða í undankeppni mótsins með 1752 stig, en metið var áður 1670 stig og enduðu í 4 sæti.
Stelpurnar mættu Rús…. hehem liði hlutlausra íþróttamanna (AIN) í undanúrslitum þar sem stelpurnar bættu Íslandsmetið um 5 stig en það var ekki nóg til að taka sigurinn. Leikurinn endaði 222-186 og stelpurnar okkar héldu því í brons úrslit.
Í brons úrslitum mættu stelpurnar okkar Ítalíu. Sýnt var beint frá leiknum á Youtube rás World Archery Europe. Ítalska liðið skoraði 209 stig í undanúrslitum og því útlit fyrir að stelpurnar okkar gætu átt séns í bronsið. En Ítölsku áttu mjög góðan leik og tóku sigurinn 222-202. Ísland endaði því í 4 sæti í liðakeppni.
Nánari fréttir af mótinu er hægt að finna í frétta Bogfimisambands Íslands hér: