Þórdís Unnur Bjarkadóttir Norðurlandameistari, fimm aðrir með silfur og fjórir með brons á fyrsta degi Norðurlandameistaramóts Ungmenna 2022

Fyrsti dagur Norðurlandameistaramóts Ungmenna (NUM) var í dag í Kemi Finnlandi. Í dag var keppt í undankeppni og liðakeppni og árangurinn góður. 15 keppendur frá Íslandi eru að keppa á mótinu og 10 af þeim hafa þegar unnið til verðlauna á fyrsta degi mótsins.

Þórdís Unnur Bjarkadóttir í BF Boganum í Kópavogi vann gull úrslitaleikinn í blandaðri liðakeppni trissuboga U16 á mótinu með finnskum keppanda, en stelpurnar voru einnig með hæsta skorið í flokknum í undankeppni mótsins. Þórdís tekur því fyrsta Norðurlandameistara titilinn á mótinu fyrir Ísland. Vel er vert að geta að Þórdís er aðeins búin að æfa bogfimi í rétt um ár og þetta er fyrsta alþjóðlega mótið hennar. Þórdís sagðist ekki hafa búist við því að hún myndi vinna til verðlauna á mótinu og því síður að hún væri með næst hæsta skor í undankeppni mótsins og aðeins 13 stigum frá Íslandsmetinu. Hún er mjög ánægð með fyrsta daginn.

Aðrir sem unnu til verðlauna í dag í liðakeppni eru:

  • Anna María Alfreðsdóttir ÍF Akur Silfur
  • Eowyn Marie Mamalias BF Hrói Höttur Silfur
  • Freyja Dís Benediktsdóttir BF Boginn Silfur
  • Ragnar Smári Jónasson BF Boginn Silfur
  • Ísar Logi Þorsteinsson BF Boginn Silfur
  • Heba Róbertsdóttir BF Boginn Brons
  • Viktoría Fönn Guðmundsdóttir ÍF Akur Brons
  • Auðunn Andri Jóhannesson BF Hrói Höttur Brons
  • Aríanna Rakel Almarsdóttir BF Boginn Brons

Fínn afrakstur miðað við að um helmingur þeirra sem vann til verðlauna voru að keppa á sínu fyrsta NUM. Fimm keppendurnir sem unnu til silfur verðlauna voru ekki langt frá því að vinna gull úrslitaleikina í dag og taka titilinn í sínum flokki í liðakeppni. En það heppnaðist ekki að þessu sinni.

Á morgun verður einstaklings útsláttarkeppni. Þar eigum við góða möguleika á fleiri Norðurlandameisturum enda Ísland með nokkra keppendur í efstu sætum í undankeppni einstaklinga. Kannski tekur Þórdís Unnur líka einstaklings titilinn á morgun og kemur heim með báða titlana sem standa henni til boða?

Gummi (formaður BFSÍ) setti upp basic livestream á mótinu með fartölvu og farsíma þar sem mögulegt var að fylgjast með niðurstöðum á archery tv Iceland youtube rásinni og áætlar að gera svipað á morgun, ef mögulegt verður, svo þeir sem vilja geti fylgst með beinum niðurstöðum úr alþjóðaskorkerfinu Ianseo.

Fjölmörg Íslandsmet voru slegin á mótinu og margt annað sem er vert fregna en við fjöllum um það nánar um það í fréttum eftir að mótinu lýkur í heild sinni á morgun.

2 Trackbacks / Pingbacks

  1. Tveir Norðurlandameistarar, sex silfur og sjö brons á Norðurlandameistaramótinu um helgina - Archery.is
  2. BF Boginn með tvo Norðurlandameistaratitla, þrjú silfur og fjögur brons á Norðurlandameistaramótinu 2022 - Archery.is

Leave a Reply

Your email address will not be published.


*


Ert þú manneskja? * Time limit is exhausted. Please reload CAPTCHA.

This site uses Akismet to reduce spam. Learn how your comment data is processed.