![20230404_111135](https://i0.wp.com/archery.is/prufa/wp-content/uploads/2023/04/20230404_111135-scaled.jpg?resize=678%2C381&ssl=1)
Keppni Íslenska sveigboga kvenna liðsins á Evrópubikarmótinu lauk í dag. Síðasti leikurinn stelpnana okkar var í 16 liða úrslitum Evrópubikarmótsins gegn Þýskalandi, ríkjandi Evrópumeisturum og besta liði í heiminum m.v. heimslista.
![](https://i0.wp.com/archery.is/prufa/wp-content/uploads/2023/04/20230404_102220.jpg?resize=1024%2C768&ssl=1)
Íslensku stelpurnar stóðu sig vel og náðu næstum að vinna fyrstu umferðina þar sem umferðin endaði 49-48 fyrir Þýskalandi. Þær Þýsku tóku svo næstu tvær umferðir líka og leikurinn endaði því 6-0 (2 stig erum gefin fyrir að vinna umferð og það lið sem nær fyrr 5 stigum vinnur leikinn)
![](https://i0.wp.com/archery.is/prufa/wp-content/uploads/2023/04/20230403_152454.jpg?resize=1024%2C768&ssl=1)
Stelpurnar okkar voru mjög ánægðar með leikinn sérstaklega þar sem þær náðu að standa í hárinu á sterkustu þjóð í heiminum (m.v. heimslista) og stelpurnar okkar enduðu í 9 sæti á Evrópubikarmótinu.
![](https://i0.wp.com/archery.is/prufa/wp-content/uploads/2023/04/20230403_133927.jpg?resize=1024%2C768&ssl=1)
Evrópubikarmótinu er þó ekki lokið og trissuboga undankeppni er síðar í dag. Einnig er keppni ekki lokið um þátttökurétt á Evrópuleikana sem fer fram á fimmtudag og föstudag. En það mun koma í fréttum síðar eftir að þeim hlutum keppninnar lýkur á næstu dögum.
![](https://i0.wp.com/archery.is/prufa/wp-content/uploads/2023/04/20230403_143616.jpg?resize=1024%2C768&ssl=1)