Skráningu á Íslandsmeistaramótið í Víðavangsbogfimi lýkur eftir 7 daga 14 ágúst

Þetta verður fyrsta Íslandsmeistaramót BFSÍ í víðavangsbogfimi (Field archery). Megin tilgangur mótsins er að koma af stað reglulegu haldi Íslandsmeistaramóta í víðavangsbogfimi til þess að kynna og fjölga einstaklingum sem stunda þá íþróttagrein á Íslandi. Einnig eru nokkrir íþróttamenn á Íslandi sem keppa á alþjóðlegum mótum í víðavangsbogfimi bæði stórum (HM/EM) sem og smáum. Má þar helst nefna Guðbjörgu Reynisdóttir sem keppti um brons verðlaun á Evrópumeistaramóti U21 2019 í víðavangsbogfimi í Slóveníu. Því vel kominn tími til þess að reglubundið hald Íslandsmóta í þeirri íþróttagrein verði sett af stað.

Áætlað var undirbúa hald þessa móts með því að halda kynningar viðburð á Íslandsmóti utanhúss 2020, en vegna heimsfaraldurs og verðurfars taldist það ekki æskilegt á þeim tíma.

Við hvetjum sem flesta til að taka þátt og hafa gaman af og stuðla að því að hald Íslandsmóta í víðavangsbogfimi haldi áfram, verði stærra og þróað frekar í framtíðinni.

Hægt er að finna upplýsingar um víðavangsbogfimi (Field archery) og hvernig slík mót eru haldin og hvernig mótafyrirkomulag virkar hér fyrir neðan.

Íslandsmeistaramót Víðavangsbogfimi (Field) 2021