Ragnar Smári Jónasson sýndi glæsilega frammistöðu og þátttöku á innandyra tímabilinu í opnu heimsmótaröð alþjóða bogfimisambandsins World Archery. Ragnar endaði í 2 sæti! í trissuboga karla U21 á World Series Open heimslista af 76 keppendum alþjóðlega eftir að öllum mótum í mótaröðinni var lokið. Stig úr mótaröðinni giltu einnig til ranking í fullorðins flokki og þar endaði Ragnar í 58 sæti af rúmlega 2000 keppendum!
World Series Open innandyra mótaröð alþjóða bogfimisambandsins World Archery samanstóð af 26 mótum um allan heim í vetur, frá byrjun nóvember og til lok febrúar.
Nánar er fjallað um World Series mótaröðina í frétt Bogfimisambands Íslands á bogfimi.is
17 Íslendingar í top 16 sætum á World Series Open heimslista 2023