Matthildur Magnúsdóttir úr BFB Kópavogi var að ljúka keppni á Evrópumeistaramótinu innandyra í Varazdin Króatíu þar sem hún endaði í 3 sæti í liðakeppni og 9 sæti einstaklingskeppni.
Matthildur komst áfram í útsláttarleiki liða og einstaklinga eftir undankeppni EM á þriðjudaginn.
Trissuboga kvenna liðið, sem Matthildur var partur af, töpuðu undanúrslitaleiknum við Bretland 234-213 sem setti okkar stelpur í 3 sæti á EM. Bretarnir tóku svo gullið gegn Ítalíu.
Í einstaklingskeppni trissuboga á EM var Matthildur slegin út í 16 manna úrslitum af Marcella Tonioli frá Ítalíu og Matthildur endaði því í 9 sæti í einstaklingskeppni trissuboga á EM.
34 Íslenskir keppendur og 11 Íslensk lið voru skráð til keppni frá Íslandi í undankeppni Evrópumeistaramótsins sem var á þriðjudagin síðastliðinn. Þetta er stærsti hópur Íslands til dags á EM og því vægast sagt mikið sem er búið að ganga á í vikunni. EM var haldið 19-24 febrúar og Íslensku keppendurnir voru að lenda heima á Íslandi í gær.
Nánari upplýsingar um gengi annarra keppenda Íslands á EM er hægt að finna í fréttum á archery.is og bogfimi.is