Marín Aníta sló 6 ára gamalt íslandsmet og gerði svo betur

Marín Aníta Hilmarsdóttir tortímdi í síðasta mánuði Íslandsmetinu í U16 sveigboga kvenna með skorið 559 stig á 60cm skífu á 12 metra færi. Gamla metið var 534 stig og hafði staðið síðan á Íslandsmótinu 2013, það var næst elsta Íslandsmetið í Íslandsmetaskránni. Í dag á hrekkjavökumótinu gerði hún en betur og tók metið í U18 sveigboga kvenna með skorið 555! á 60cm skífu á 18 metra færi. Næstum sama skor á lengra færi!

Þetta er síðasta árið sem Marín getur keppt í U16 flokki og markmiðið hennar er að hækka Íslandsmetið í U16 sveigboga kvenna hærra en núverandi metið í karla flokki sem er 572.

Miðað við skorin sem Marín er að skora er mjög líklegt að hún nái því og taki bráðum einnig metið í U21 sveigboga kvenna og á þá öll metin nema í 50+ og opnum flokki.

Innandyra Opin.fl. 60 örv 18 m 40 cm 558 Kelea Quinn BF Boginn Recurve
Innandyra U21 Junior 60 örv 18 m 40 cm 491 Rakel Arnþórsdóttir Akur Recurve
Innandyra U18 Cadet 60 örv 18 m 60 cm 555 Marín Aníta Hilmarsdóttir BF Boginn Recurve
Innandyra U16 Nordic 60 örv 12 m 60 cm 559 Marín Aníta Hilmarsdóttir BF Boginn Recurve
Innandyra E50 Master 60 örv 18 m 40 cm 523 Sigríður Sigurðardóttir BF Hrói Höttur Recurve

Eitthvað sem var vert að nefna af því að það er ekki á hverjum degi sem einhver slær 6 ára gamalt Íslandsmet og tekur svo Íslandsmetið í næsta aldursflokki fyrir ofan mánuðinn eftir.

Guðbjörg Reynisdóttir var einnig ekki langt frá sínu meti í berboga kvenna U21 og opnum flokki hún skoraði 460 en metið er 465.

Daníel Ægisson var 1 stigi undir U16 metinu sínu með 563 en metið sem hann tók af Nóa Barkarssyni í síðasta mánuði var 564 stig.

Halla Sól Þornbjörnsdóttir er á sama aldri og Marín Aníta og byrjaði í bogfimi fyrir um 4 mánuðum, en á þeim stutta tíma er hún byrjuð að skora sambærileg skor og gamla Íslandsmetið sem Marín sló (534). Einhver sem er einnig vert að fylgjast með í framtíðinni.

Be the first to comment

Leave a Reply

Your email address will not be published.


*


Ert þú manneskja? * Time limit is exhausted. Please reload CAPTCHA.

This site uses Akismet to reduce spam. Learn how your comment data is processed.