Guðmundur Örn Guðjónsson var í þessari viku að ljúka hæsta þjálfarastigi hjá heimssambandinu, WorldArchery stig 3.
Námskeiðið var rúmlega viku langt og var haldið í World Archery Excellence Center í Ólympíuborginni Lausanne í Swiss.
Kennarar WA lvl3 námskeiðsins voru
- Kyeong Su Jeoung (Kórea) – yfirþjálfari WorldArchery Excellence Center.
- Pascal Colmere (Frakkland) – yfirmaður þróunar- og menntunarsviðs heimssambandsins WA.
- Juan Carlos Holgado (Spánn) – rekstrarstjóri WorldArchery Excellence Center.
- Tom Dielen (Belgía) – framkvæmdarstjóri heimssambandsins.
Einnig hélt Thomas Aubert marketing og event director WA stutta kynningu.
Þess má geta að 3 efstu í listanum hafa verið landsliðþjálfarar margra landa og eru í fullu starfi hjá heimssambandinu.
Fá stig 3 námskeið eru haldin og aðspurður sagði Pascal að það væru færri en 8 manns á ári sem kláruðu þjálfarstig 3 í heiminum, ef það. 12 manns sátu námskeiðið að þessu sinni en aðeins 9 lauku því að fullu. Námskeiðið var ekki haldið í fyrra og ólíklegt að það verði haldið 2021. 1 námskeið á 2-3 ára fresti er normið fyrir WA stig 3.
Námskeiði var 7×9 tíma kennsludagar og farið ítarlega í alla hluta þess að stjórna afreksstarfi, þjálfun og skipulags afreksfólks sem miðar á Ólympíuleika, hæfileikamótunar, heilbrigðisteymis, lyfjamála og fleira.
Guðmundur náði einnig hæstu einkunn, af þeim sem sátu námskeiðið að þessu sinni, á prófinu sem framkvæmdarstjóri heimssambandsins hélt.
Til þess að sitja námskeiðið þarf að fá mat landssambands og heimssambandsins um hæfni til að sitja það.
Til viðbótar lauk Guðmundur einnig stjórnenda námskeiði (sports administrator course) hjá ÍSÍ haldið af Ólympíusamhjálpinnni í Janúar.
Þekkingin sem aflast hefur þarna mun án vafa vera ómissandi í uppsetningu og keyrslu afreksstefnu BFSÍ og skipulagi afreksmála, hæfileikamótunar og landsliðsverkefna.
Einnig er á döfinni að BFSÍ setji upp sitt eigið þjálfaramenntunarkerfi. Drög að því kerfi voru lögð fyrir kennara WA stig 3 námskeiðsins. Þeir voru mjög ánægðir með uppsetninguna og hve opið og framsækið kerfið er. Áætlað er að hefja kennslu/réttinda veitingu þjálfara úr því á næstu 2 árum.
Guðmundur lendir á Íslandi aftur í dag (mánudag 02.mars) og fer beint í að ljúka skipulagi Íslandsmeistaramótsins sem haldið verður 14-15 mars og landsliðsverkefna sem liggja fyrir. En fluginu hans var seinkað um 6 klst.
Við bætum við myndum af námskeiðinu síðar.