Hæsta niðurstaða Önnu Maríu Alfreðsdóttir á Evrópubikarmótinu í Bretlandi í vikunni var 5 sæti.
- 5 sæti í liðakeppni (3kvk)
- 17 sæti í einstaklings undankeppni Evrópuleikana
- 33 sæti í einstaklingskeppni
Eftir undankeppni mótsins keppti Anna ásamt trissuboga kvenna liðinu (3 kvk) gegn Þýskalandi í 8 liða úrslitum. Stelpurnar okkar leiddu leikinn með 4 stiga forskot 107-103 eftir að tveim af fjórum umferðum var lokið. En þær Þýsku sóttu á í þriðju umferðinni og jöfnuðu leikinn og áttu svo betri síðustu umferð. Þær Þýsku sigruðu leikinn því 211-207. Anna endaði því í 5 sæti ásamt liðsfélögum sínum Freyju Dís Benediktsdóttir og Eowyn Marie Mamalias.
Anna keppti tvisvar í einstaklingskeppni á mótinu einu sinni á Evrópubikarmótinu og einu sinni sem hluta í European Games Qualification Tournament, sem er sér mót en haldið til hliðar við Evrópubikarmótið. Þar var keppt um síðustu þátttökurétti á Evrópuleikana 2023 sem átti eftir að úthluta.
Á Evrópubikarmótinu keppti Anna gegn Grace Chappell frá Bretlandi, Heimakonan átti betri leik og vann 137-131. Anna var því sleginn út og endaði í 33 sæti Evrópubikarmótsins.
Á undankeppnismóti um þátttökurétt á Evrópuleikana 2023 keppti Anna gegn Julia Boehnke frá Þýskalandi. Þar átti sú Þýska góðan leik 139-132 og Anna því sleginn út. Anna endaði í 17 sæti í undankeppni Evrópuleikana og náði því ekki að vinna þátttökurétt fyrir Ísland að þessu sinni.
Faðir Önnu, Alfreð Birgisson, var einnig að keppa á mótinu, en hann endaði m.a. í 9 sæti með trissuboga karla liðinu.
Evrópubikarmótið var haldið í Lilleshall Sports Centre í Bretlandi 2-8 apríl. Svæðið er eitt af þremur National Training Centers í Bretlandi og er heimasvæði Breska bogfimisambandsins og landsliða þeirra. Veðrið var mjög breytilegt á milli daga eins og sést á mörgum myndunum. Sumir dagarnir voru fínir Íslenskir sumar dagar, aðrir voru við frostmark, kaldir, rigning, vindur og allt þar á milli (svona klassískt Íslenskt sumar, breytist eftir 5 mínútur)
Mögulegt er að finna frekari upplýsingar um mótið hér:
- Niðurstöðum mótsins á ianseo.net
- Smugmug myndasíðu BFSÍ
- Fréttum á archery.is og bogfimi.is
