Bogfimifélagið Boginn umsóknir styrkja og upplýsingar um styrki.

Breytingar hafa orðið á styrktar formi Bogfimifélagsins Bogans til félagsmanna sem keppa fyrir félagið, hægt er að sjá nýju reglurnar hérna fyrir neðan.

Hægt er að sækja um styrkina neðst á síðuni.

Styrkir sem félagsmenn geta sótt um.

Félagsmenn sem eru skuldlausir við félagið get sótt um eftirfarandi styrki, þeir meðlimir sem taka við þessum styrkjum skuldbinda sig til að keppa fyrir félagið í eitt ár frá því að styrkurinn er greiddur út. (aðrir félagsmenn geta skipt um félag sama dag og félagsmaðurinn er búinn að tilkynna að hann vilji skrá sig úr félaginu til stjórnar félagsins)

Styrkur til keppnisferðar eða æfingarbúðir erlendis – 50.000.kr

Aðeins er hægt að fá styrkinn einu sinni á almanaksári.
Styrkurinn er greiddur út eftir að móti eða æfingarbúðum er lokið.
Gildir fyrir öll mót á vegum heimssambandins WorldArchery og heimsálfu undirsambanda þess, World Archery Europe, Asia, America, osfrv) og fyrir Norðurlandasambandið.
Dæmi um mót eru : World Championship, European Championship, World Cup Outdoor eða Indoor, European Grand Prix, gildir einnig á öll youth mót á vegum sambandins, Norðurlandamót og svo framvegis)
Styrkurinn er greiddur út svo lengi sem sjóður félagsins endist.

Styrkur til þjálfunarmenntunar – 50.000.kr

Aðeins er hægt að fá styrkinn einu sinni á almanaksári.
Styrkurinn er greiddur út eftir að námskeiði er lokið.
Gildir fyrir öll þjálfaranámskeið á vegum ÍSÍ, Evrópusambandsins eða Heimsambandsins fyrir íþróttirnar sem Boginn stundar, og námskeið sem eru í samstarfi við þessi sambönd.
Önnur þjálfara endurmenntun er metin í hvert sinn upp á hvort hún er styrkhæf.
Ekki er greitt út meira en námskeiðið kostar félagsmanninn. (semsagt ef kostnaðurinn er undir 50.000.kr er bara greitt út sú upphæð sem námskeiðið kostaði)
Styrkurinn er greiddur út svo lengi sem sjóður félagsins endist.

Styrkur til dómaramenntunar – 100.000.kr

Aðeins er hægt að fá styrkinn einu sinni á almanaksári.
Styrkurinn er greiddur út eftir að námskeiði er lokið.
Gildir fyrir bogfimi dómaranámskeið á vegum Bogfiminefndar ÍSÍ, Heimsambandsins og Evrópusambandsins. (semsagt á landsdómaranámskeið, evrópudómara námskeið og heimsdómara námskeið)
Ekki er greitt út meira en námskeiðið kostar félagsmanninn.
Styrkurinn er greiddur út svo lengi sem sjóður félagsins endist.

Styrkur til kaupa á búnaði fyrir börn og unglinga (20 ára og yngri) – 50.000.kr

Börn og unglingar 20 ára og yngri sem eru á barna og unglinga æfingum Bogfimifélagsins Bogans geta sótt um styrk upp að 50.000.kr til kaupa eigin búnað.
Styrkurinn er aðeins veittur einu sinni fyrir hvern á ævinni og er gerður til þess að aðstoða og auðvelda börnum og unglingum að kaupa sér eigin búnað til að byrja með.
Einstaklingarnir verða að hafa stundað bogfimi á æfingum í að lágmarki ár áður en þeir geta sótt um styrkinn.
Ekki er greitt út meira en búnaðurinn kostar félagsmanninn.
Styrkurinn er greiddur út svo lengi sem sjóður félagsins endist.

Umsókn um styrk vegna þjálfara á ungmenna æfingum.

Þjálfarar sem vilja sækja um þessa styrki verða að hafa WA lvl1 bogfimi þjálfara menntun að lágmarki
(hægt er að sækja um undanþágu frá þessu skilyrði vegna mikillar þjálfara reynslu)
Ungmennanámskeiðin eru:
Mánudaga og miðvikudaga frá 16:00-17:30. — (50.000.kr styrkur per þjálfara per 6 mánaða tímabil sem hægt er að sækja um)
Þriðjudaga og fimmtudaga frá 16:00-17:30. — (50.000.kr styrkur per þjálfara per 6 mánaða tímabil sem hægt er að sækja um)
Styrkurinn er greiddur út eftir að þjálfari hefur þjálfað 6 mánaða tímabilið.
Ef þjálfarinn forfallast oft missir hann réttinn á því að sækja um styrkinn.
Til þess að geta sótt um styrk sem þjálfari á ungmenna æfingum þarf viðkomandi þjálfari aðeins að vera skráður sem félagsmaður hjá Boganum.
Styrkurinn er greiddur út svo lengi sem sjóður félagsins endist.

Styrkur til þjálfara á erlend ungmennamót – 100.000.kr

Styrkinn er hægt að sækja um oft á hverju ári.
Þjálfarinn verður að vera með að lágmarki WorldArchery stig 1 þjálfararéttindi, vera skráður skuldlaus félagsmaður í Bogfimifélagið Bogann og virkur í þjálfun í barna og unglingastarfi Bogfimifélagsins Bogans.
Styrkurinn er greiddur út eftir að móti er lokið.
Gildir á öll ungmenna mót á vegum heimssambandsins, evrópusambandsins og norðurlandasambandsins (t.d European Youth Cup, European Youth Championships, Nordic Youth Championships, World Youth Championships, Youth Olympics osfrv).
Ekki er greitt út meira en ferðin kostar þjálfarann.
Styrkurinn er greiddur út svo lengi sem sjóður félagsins endist.

Árangursstyrkur vegna góðrar frammistöðu á mótum erlendis.

Styrkir sem hægt er að sækja um vegna árangurs á móti erlendis.
Gildir fyrir öll mót á vegum heimssambandins WorldArchery og heimsálfu undirsambanda þess, World Archery Europe, Asia, America, osfrv)
Fyrir hvern unninn útslátt í útsláttarkeppni getur félagsmaðurinn sótt um styrk upp á 20.000.kr

Fyrir þá félagsmenn sem keppa í medalíukeppni einstaklinga (semsagt 4 efstu sæti á móti) geta þeir félagsmenn sótt um styrk upp á 50.000.kr
Fyrir þá félagsmenn sem keppa í medalíukeppni liða (semsagt 4 efstu sæti í Mixed Team eða Team keppni) geta þeir félagsmenn sótt um styrk upp á 25.000.kr (semsagt per mann sem er í Boganum, Boginn greiðir ekki styrk til meðlima annara félaga, ef allir 3 í liðakeppni eru t.d í boganum þá fá þeir 75.000.kr total 25.000.kr per mann)

Ef fleiri keppendur eru að keppa en komast í útsláttarkeppni, þá telst það sem unninn útsláttur að komast inn í útsláttarkeppni. Þar sem allir þeir sem komust ekki í útsláttarkeppnina hafa þá verið slegnir út. (T.d top 32 innandyra og top 104 utandyra komast í útslátt)

Styrkurinn er greiddur út svo lengi sem sjóður félagsins endist.

Sækja verður um alla styrki innan árs frá lok viðburðar.

1 Trackback / Pingback

  1. Bogfimifélagið Boginn | Archery.is

Leave a Reply

Your email address will not be published.


*


Ert þú manneskja? * Time limit is exhausted. Please reload CAPTCHA.

This site uses Akismet to reduce spam. Learn how your comment data is processed.