Þórdís Unnur Bjarkadóttir í BFB Kópavogi var valinn trissubogakona ársins 2024 hjá Bogfimisambandi Íslands.
Þórdís átti frábært ár í alþjóðlegri keppni. Hún var meðal 8 efstu í Evrópubikarmótaröð ungmenna sem gerir hana eina af 8 efnilegustu U21 trissuboga konum í Evrópu, þrátt fyrir að vera aðeins 16 ára og ætti í raun að vera að keppa í U18 flokki. En hún velur almennt að keppa í U21 til þess að geta skipað liði. Á NM ungmenna vann hún silfur í einstaklings og liðakeppni í U18 og munaði littlu að hún tæki annan Norðurlandameistaratitil sinn. Þórdís náði 6 sæti á World Series U21 í nóvember í Lausanne. Hún endaði í 9 sæti á EM U21 inni og 17 sæti á EM U21 úti, þar sem hún náði svo góðum árangri í undankeppni mótana að hún sat hjá í fyrstu útsláttarleikjum beggja Evrópumótana. Í liðakeppni á EM ungmenna endaði hún í 5 sæti innandyra og 6 sæti utandyra. Þórdís endaði einnig í 9 sæti á EM utandyra með meistaraflokks liðinu. Hún sló einnig nokkur Íslandsmet, vann nokkra Íslandsmeistaratitla og vann til verðlauna á nokkrum öðrum landsliðsverkefnum t.d. Evrópubikarmóti ungmenna og Bulgarian Open. Þórdís er einn iðnast keppandi Íslands með landsliðum.
Þetta er í fyrsta sinn sem Þórdís er valin trissubogakona ársins. Þórdís er 16 ára sem gerir hana yngstu konu sem hefur hreppt titilinn í sinni keppnisgrein.
Helsti árangur Þórdísar á árinu 2024:
- 8 sæti Evrópubikarmótaröð U21
- 9 sæti á EM U21 innandyra einstaklingskeppni
- 5 sæti á EM U21 innandyra liðakeppni
- 17 sæti á EM U21 utandyra einstaklingskeppni
- 6 sæti á EM U21 utandyra liðakeppni
- 9 sæti á EM utandyra liðakeppni
- 33 sæti á EM utandyra einstaklingskeppni
- Brons Evrópubikarmót U21 liðakeppni
- 9 sæti Evrópubikarmót U21 einstaklingskeppni
- 6 sæti Evrópubikarmót U21 blönduð liðakeppni
- Gull Bulgarian Open einstaklingskeppni
- 6 sæti World Series U21
- Íslandsmeistari kvenna U18 utandyra
- Íslandsmeistari kvenna U18 innandyra
- Íslandsmeistari óháð kyni U18 utandyra
- Íslandsmeistari óháð kyni U18 innandyra
- Íslandsmeistari félagsliða U18 utandyra
- Silfur Íslandsbikarmótaröð utandyra
- 4 sæti Íslandsbikarmótaröð innandyra
- 6 Íslandsmet U18
- 3 Íslandsmet með landsliði
- 1 Íslandsmet með félagsliði í meistaraflokki
- (það vantar eitthvað inn í þennan lista en ég læt þetta duga)