Margir Íslenskir keppendur að keppa á Heimsbikarmótinu í Marrakó

Komin er góður hópur af Íslenskum bogamönnum sem eru að fara að keppa á heimsbikarmótinu í Marrakó 25-26 Nóvember. Flestir eru nýliðar að keppa á sínu fyrsta alþjóðlega móti og fyrsta skipti sem Ísland sendir keppendur í Junior flokkana á alþjóðlegu móti (u-21) og við erum með keppendur í bæði u-21 kvenna og karla flokki.

Frekar stór hópur fór frá Íslandi árið 2014 í heildina 13 keppendur og var Ísland með stærsta liðið og fjórða stærsta þjóðin í þáttöku á eftir Marrakó (35), Bretlandi (14) og Frakklandi (33) sjá pdf, árið 2015 voru aðeins 5 keppendur frá Íslandi.

Almennt eru um 200-300 manns að keppa í heildina á Heimsbikarmótinu í Marrakesh, þeim hefur fjölgað mikið á síðust árum.

Flestir keppendurnir eru frá Bogfimifélaginu Boganum en einnig eru nokkrir frá Íþróttafélaginu Freyju sem eru 2 stærstu bogfimifélögin á landinu.

Hægt er að fylgjast með úrslitum á https://worldarchery.org/events http://ianseo.net/TourList.php Ég set svo nákvæmann link í annari grein þegar nær dregur mótinu.

Hinngað til hefur Ísland bara unnið medalíu á alþjóðlegu móti í fatlaðra flokki (Þorsteinn Halldórsson þegar hann vann sæti á paralympics). En nokkrir af Íslensku keppendunum á þessu alþjóðlega stórmóti eiga góða möguleika að koma heim með fyrstu medalíu í sínum flokki fyrir Ísland.

Hér eru dæmi um keppendur sem er vert að fylgjast með.

gabriela

Gabriela Íris Ferreira 16 ára, keppir í Junior flokki kvenna (undir 21) með trissuboga, hún er búin að vera æfa mikið upp á síðkastið undir handleiðslu Keleu Quinn sem er Kanadískur einkaþjálfari sem flutti hinngað til lands snemma á árinu 2016. Við erum með miklar vonir um að Gabriela komist í að keppa um medalíu þar sem hún verður afburðar íþróttakona í sínum flokki á þessu móti. En þar sem þetta er fyrsta alþjóðlega mótið sem Gabriela keppir í verður spennandi að sjá hvað taugarnar eru sterkar :).  Gabí er dóttir Margrétar Einars sem var í trissuboga kvenna liðinu sem lenti í 9 sæti á Evrópumeistarmótinu í Nottingham 2016 og big boss í Bogfimisetrinu.

 

astrid-dax

Astrid Daxböck, ein af okkar fremstu bogakonum, fyrsti keppandinn fyrir Ísland sem hefur komist í topp 100 á heimslista í opnum flokki í bogfimi, og lenti í 17.sæti á bæði Heimsmeistarmótinu og Evrópumeistarmótinu á árinu 2016. Þar sem samkeppnin á þessu móti er mjög mikil og aðeins 3 labba út með medalíu í hennar flokki getum við ekki sagt að það sé líklegt að hún komist í að keppa um medalíu, en hún hefur komið fólki á óvart áður og það er búist við því að hún verði í top 10 á mótinu á þessu ári þar sem hún var í 9.sæti á síðasta ári á sama móti og henni hefur farið fram síðan sú keppni var. Þar sem hún keppir í báðum bogaflokkum Trissubogaflokki og Sveigbogaflokki telst líklegt að hún endi í top 10 í báðum flokkum, sveigboga og trissubogaflokki, og verður hún þá líklega fyrsta manneskjan í heiminum að ná því að lenda í top 10 í báðum flokkum á sama alþjóðlega mótinu. Við bíðum spennt að sjá hvort hún nælir sér í medalíu líka á þessu móti 😀

 

daniel-snorra

Daníel Snorrason 16 ára, keppir í Junior flokki karla (undir 21) með trissuboga og er búinn að hækka mikið í skori upp á síðkastið og á góðar líkur á því að komast í top 4 í sínum flokki og keppa um fyrstu medalíu sem Ísland hefur unnið í U-21 flokki karla. Daníel byrjaði í bogfimi á síðasta ári (2015) og er að keppa með föður sínum á mótinu Snorra Haukssyni og eru feðgarnir báðir að keppa á sínu fyrsta alþjóðlega bogfimimóti.

 

gunnar-thor

Gunnar Þór Gunnarsson fæddur 1947 er að keppa fyrir Ísland í annað sinn á heimbikarmótinu í Marrokó og verður mjög líklega elsti keppandinn á mótinu þar sem hann er bráðum að vera 70 ára ungur og enþá hel sprækur. Gunnar mun einnig taka þátt á World Master Games á Nýja Sjálandi á næsta ári, World Master Games eru fjölþjóðlegt mót sem haldið er á 4 ára fresti eins og Ólympíuleikarnir og mætti kalla á Ólympíuleika eldri flokka þar sem lágmarks aldurinn var 50 ár fyrir ekki löngu síðan. Gunnar keppir að þessu sinni einnig með syni sínum sem er að keppa á sínu fyrsta alþjóðlega móti, Rúnari Þór Gunnarssyni 48 ár og konan hans Rúnars Eva Rós Sveinsdóttir sem kemur með sem þjálfari og spotter og að sjálfsögðu til að versla gjafir í miðbænum fyrir jólin 😉

 

kelea

Kelea Quinn, keppir í Sveigbogaflokki kvenna og er líklega til að ná medalíu á mótinu. Kelea flutti til Íslands snemma árinu 2016 og ætlar sér að hjálpa að halda hraða vexti bogfimi á Íslandi við. Hún er að keppa í fyrsta skipti fyrir Ísland en keppti fyrir Monaco í fyrra á heimsbikarmótinu í Nimes og var í 7 sæti í undankeppninni af 137 konum. Hún er einnig mikið menntaður þjálfari og mental coach í einstaklings íþróttum og er með stórann hóp af Íslenskum bogamönnum í einkaþjálfun. Margir af hennar nemendum eru að keppa í fyrsta skipti á þessu heimsbikarmóti núna, t.d Ólafur, Ingólfur, Daníel, Gunnar, Snorri og Gabriela eru öll í þjálfunar programinu hennar. Hún er ekki búin að staðfesta þáttöku sína 100% enþá, en við hjá archery.is teljum miklar líkur á því að hún komi.

 

Meðal annarra keppenda sem eru skráðir á mótið fyrir Ísland eru meðal annars.

Guðmundur Örn Guðjónsson sem er þaul reyndur keppandi fyrir Ísland og heimsþekktur í bogfimi fyrir öfuga skotstílinn sem hann fann upp í sveigboga, keppir líklega í báðum flokkum.
Tryggvi Einarsson sem var Íslandsmeistari í byrjendaflokki sveigboga karla innandyra 2016 og að keppa á sína fyrsta erlenda stórmóti.
Ingólfur Rafn Jónsson sem var Íslandsmeistari í byrjendaflokki sveigboga karla utandyra 2016, einnig að keppa á sína fyrsta erlenda stórmóti.
Ólafur Gíslasson sem er að keppa á sínu fyrsta stórmóti og líklegur til að vera hæstur í skori af nýliðunum í sveigboga karla ef hann er búinn að æfa sig nóg út af vinnuferðum erlendis 🙂
Snorri Hauksson nefndur fyrr í greininni og er einnig formaður Freyju og að keppa með syni sínum báðir nýliðar í erlendum stórmótum.
Rúnar Þór Gunnarsson nefndur fyrr,  hefur verið óheppinn á mörgum innlendum mótum, frábært tækifæri fyrir hann til að þjálfa sig undir pressuni sem er á erlendum stórmótum 😉

Það eru staðfestir og skráðir 11 manns að fara að keppa á mótinu og getur verið að það bætist nokkrir við áður en skráningu líkur og að hópurinn endi í 13-15 manns, það verður spennandi að sjá hvort að það endi með því að fleiri fari en árið 2014.

Be the first to comment

Leave a Reply

Your email address will not be published.


*


Ert þú manneskja? * Time limit is exhausted. Please reload CAPTCHA.

This site uses Akismet to reduce spam. Learn how your comment data is processed.