Langbogafélagið Freyja

Í stjórn Langbogafélagsins Freyju sitja eftir síðustu kosningar 2025.
Haukur Hallsteinsson Formaður
Gummi Guðjónsson Meðstjórnandi
Magnús Ásgeirsson Varaformaður

freyja@archery.is

Síðasti aðalfundur félagsins var haldinn 16.03.2025 í Bogfimisetrinu kl: 21:00 og var boðaður hér á vefsíðu félagsins.

Eins og hefðin er þá er næsti aðalfundur boðaður strax eftir að síðasta lauk og næsti aðalfundur verður haldinn 15.03.2026 í Bogfimisetrinu kl. 21:00. Dagskrá fundarins er mögulegt að finna í lögum félagsins neðar á síðunni.

Árgjaldið í Langbogafélagið Freyju er 6.000.kr fyrir þá sem eru á 18 ári eða eldri. (þeir sem greiða árgjaldið eru fullir meðlimir og geta greitt atkvæði á aðalfundum og keppt fyrir félagið á mótum).

Kt: 470214-2280
Rn: 0331-26-004780

Með fyrirvara um villur á síðunni. Reynum að halda henni uppfærðri eftir bestu getu, minni, aldri og fyrri störfum 😉

Langbogafélagið Freyja

Allir félagsmenn og iðkendur félagsins skulu fylgja siðareglum ÍSÍ. Þeir sem stjórn LF Freyju telur að fari ekki eftir lögum eða reglum félagsins verður vikið úr félaginu og/eða meinuð aðild að félaginu í samræmi við lög þess. En “batnandi fólki er best að lifa” og þeir sem hafa bætt sína hegðun og siði (þar sem það er viðeigandi/mögulegt) má stjórn endurskoða að geti fengið aðild að félaginu að nýju.

LANGBOGAFÉLAGIÐ FREYJA Félagalög – Samþykkt aðalfundur 2025.03.16

Upplýsingar um bogaeign:

Þegar þeir sem eru að æfa á æfingum félagsins (og/eða keppa fyrir félagið á mótum BFSÍ) vilja kaupa sér eigin boga þá skrifar LF Freyja upp á staðfestingu til lögreglu að þeir iðkendur séu að æfa/keppa með félaginu. Í samræmi við viðmið í lögum að aðeins megi selja boga til aðila sem eru að æfa/keppa í bogfimi innan íþróttafélags sem er innan ÍSÍ (og þar með BFSÍ) eins og LF Freyja.
Staðfestingar eru ekki gefnar út til viðkomandi iðkanda beint, þær eru sendar til seljanda viðkomandi boga (oftast bogfimibúð eins og Bogfimisetrið sem sér þá um pappírsvinnslu tengt sölunni til lögreglu fyrir íþróttamanninn og félagið) eða staðfesting er send beint til lögreglu ef um innfluttning boga er að ræða (þá þarf viðkomandi iðkandi samt að fá viðeigandi áritanir á reikninga, leyfi og annað frá lögreglu til að ljúka ferlinu á eigin spýtur).
Lögreglan ákvarðar endanlega hvort að viðkomandi er hæfur til bogaeignar og félagið mun draga staðfestingu sína til baka ef að athugasemd berst frá lögreglu, sama hver sú athugasemd er óformleg eða formleg.
(Semsagt staðfestingar á að viðkomandi sé að æfa eða keppa með félaginu eru aðeins gefnar til þeirra sem vitað er að þekki almennar öryggis og umgengnisreglur tengt bogum, bogaeign og bogfimi, sem er allt kennt á æfingum félagsins og allir virkir keppendur ættu að þekkja vel til.)
Félagið gefur ekki út staðfestingar fyrir aðila sem eru ekki lögráða, nema það sé gert í samráði við foreldra/forráðamann viðkomandi sem á og ber ábyrgð á búnaðinum og að búnaðurinn sé og verði notaður í samræmi við gildandi lög og almennar öryggisreglur í bogfimi.
Félagsmenn hafa leyfi til að eiga boga, þó að þeir séu ekki virkir á æfingum félagsins eða í keppni. (Það er gert svo að þeir sem taka sér hlé úr íþróttinni um skeið þurfi ekki að skila boganum inn í hvert sinn sem þeir taka sér hlé frá æfingum eða keppni. Einnig svo að foreldrar virkra iðkenda geti átt og borið ábyrgð á boga sem viðkomandi ungmenni notar undir eftirliti fullorðinna á æfingum, þó að foreldrið/forráðamaðurinn sé ekki sjálfur að æfa eða keppa í bogfimi)
Þeir félagsmenn sem hætta í félaginu skulu skila bogum inn til lögreglu, selja hann til annars virks iðkanda, gefa félaginu bogann til að nota á æfingum félagsins eða fá aðildarfélag innan BFSÍ til þess að senda staðfestingu á því að viðkomandi hafi skipt um bogfimifélag.

Með fyrirvara um villur á síðunni.