Íslandsmótið í bogfimi Utandyra Úrslit

Þá er Íslandsmótinu í Bogfimi utanhúss 2016 lokið.

Mótið gekk almennt vel, það var ágætis vindur til vinstri en samt mjög stöðugur vindur yfir daginn, það var sólskin og blíða og einhverjir sem sólbrunnu, líklega næst besta veður sem við höfum haft á Íslandsmóti utanhúss hinngað til. Mótið gekk aðeins hægar fyrir sig en gert var ráð fyrir í skipulagi og var mjög stutt æfing áður en undankeppnin hófst.

Tjaldið sem skotstjórarnir og dómararnir sátu í fauk niður seinni part dags á meðan Sveigbogaflokkarnir voru að keppa, þar sem það hafði ekki verið hælað nóg of vel niður miðað við vindinn.

Skotklukkan fraus nokkrum sinnum en hafði sem betur fer ekki mikil áhrif á keppendur.

Íslandsmeistarar eru eftirfarandi eftir boga og aldursflokkum.

Sigurjón Sigurðsson. Sveigbogi Karla opinn flokkur
Daníel Sigurðsson. Trissubogi Karla opinn flokkur
Astrid Daxböck. Sveigbogi Kvenna opinn flokkur
Helga Kolbrún Magnúsdóttir. Trissubogi Kvenna opinn flokkur
Steinþór Guðjónsson. Sigtislausir Bogar (barebow) opinn flokkur
Ingólfur Rafn Jónsson. Sveigbogi Karla Byrjendaflokkur
Arnar Þór Sveinsson Trissubogi Karla Byrjendaflokkur
Daníel Örn Snorrason. Trissubogi Karla u-18
Þorsteinn Ivan Bjarkason. Sveigbogaflokkur karla u-15

Stutt útskýring á hvernig mótið fer fram, í undankeppninni er skotið 72 örvum þar sem mögulegt hámarksskor er 720 stig (heimsmetið í sveigboga er 699 og í trissuboga 718) Trissubogaflokkarnir skjóta á 50 metrum á 80 cm stóra skífu, sveigbogaflokkarnir (ólympískur bogi) skjóta á 70 metrum á 122.cm stóra skífu.

Eftir að undankeppninni er lokið er búið að raða mönnum upp fyrir útsláttarkeppnina með skorinu sem var skotið í undakeppninni, sá sem er í 1 sæti keppir við þann sem er í 8 sæti og sá sem er í 2 sæti keppir við þann sem er í 7 sæti og svo framvegis þar til að allir hafa verið slegnir út nema einn og það er Íslandsmeistarinn.

Úrslitin úr undankeppni voru eftirfarandi.

Sveigbogaflokkur karla.

Sigurjón Atli Sigurðsson 603 stig
Guðmundur Örn Guðjónsson 581 stig
Haraldur Gústafsson 533 stig
Carlos Gimenez 515 stig
Ragnar Þór Hafsteinsson 482 stig
Jón Gunnarsson 482 stig
Tómas Gunnarsson 403 stig
Þorsteinn Hjaltason 398 stig

Sveigbogaflokkur kvenna.

Astid Daxböck 450 stig
Sigríður Sigurðardóttir 335 stig
Guðný Gréta Eyþórsdóttir 244 stig

Trissubogaflokkur karla

Daníel Sigurðsson 663 stig (Íslandsmet)
Guðjón Einarsson 661 stig (Íslandsmet)
Kristmann Einarsson 647 stig
Carsten Tarnow 639 stig
Guðmundur Örn Guðjónsson 632 stig
Valur Pálmi Valsson 595 stig
Gunnar Þór Jónsson 585 stig

Trissubogaflokkur kvenna

Helga Kolbrún Magnúsdóttir 659 stig (Íslandmet)
Margrét Einarsdóttir 641 stig
Astrid Daxböck 613 stig

Sigtislausir bogar

Steinþór Guðjónsson 204 stig.

Byrjendaflokkur karla sveigbogi

Tryggvi Einarsson 388 stig
Björgvin S. Loftsson 292 stig
Ingólfur Rafn Jónsson 194 stig
Maciej Stepien 181 stig

Byrjendaflokkur karla trissubogi

Snorri Hauksson 571 stig
Arnar Þór Sveinsson 554 stig
Rúnar Þór Gunnarsson 521 stig
Maciej Stepien 512 stig

Trissubogi u-18 karla

Daníel Örn Snorrason 396 stig
Keegan Johann Browne 316 stig

Sveigbogi u-15 karla

Þorsteinn Ivan Bjarkason 469 stig

Eftir útsláttarkeppnina var staðan svona. (nánari framvindu mála í útsláttarkeppninni er hægt að sjá á myndunum fyrir ofan)