Guðmundur Örn Guðjónsson komst í útsláttarkeppni í sveigboga á World Cup í bogfimi í Berlin.
Top 104 fara í útsláttarkeppnina og 123 voru að keppa á mótinu. Top 32 fara svo í úrslitakeppnina.
Guðmundur skoraði 313 stig í fyrri umferðinni og var í 92 sæti í hálfleik. Seinni helminginn skoraði Guðmundur 311 stig og var í 104 sæti í þeim helming.
Keppni var gífurlega hörð og skorin mjög há á mótinu, eftir undankeppnina var Guðmundur í 99 sæti með 624 stig sem er 6 stigum frá Íslandsmetinu.
Guðmundur var sleginn út af Atanu Das frá Indlandi í útsláttarkeppni 6-0 þrátt fyrir að 8 af 9 örvum Guðmundar hafi lent í níum.
Guðmundur endaði í 57 sæti af 123 keppendum á mótinu.
Guðmundur sló einnig íslandsmet í sveigboga blandaðri liðakeppni ásamt Astrid Daxböck 1129 stig. Met sem þau tvö voru að setja fyrir rúmum mánuði síðan á heimsbikarmótinu í Antalya Tyrklandi það var 1121 stig.
Vel gert!
Myndir með þökkum frá official ljósmyndurum mótsins Dean Alberga hjá WorldArchery og starfsfólki archery world cup berlin.