Guðbjörg Reynisdóttir er bikarmeistari BFSÍ í berboga flokki og efsta sæti á World Series Open heimslista

Bikarmótaröð Bogfimisambands Íslands (BFSÍ) 2022-2023 lauk í dag á síðasta bikarmóti BFSÍ á tímabilinu. Guðbjörg Reynisdóttir úr BF Hróa Hetti í Hafnarfirði er bikarmeistari BFSÍ í berbogaflokki. Ásamt titlinum fá allir bikarmeistarar BFSÍ 50.000.kr í verðlaunafé. Þeim stendur til boða að fá þær greiddar út eða að nota þær upp í kostnað sinn við þátttöku í innlendum mótum eða landsliðsverkefna.

Niðurstöður Bikarmóta BFSÍ eru einnig tengd við World Series Open innandyra mótaröð heimssambandins (World Archery), niðurstöður út bikarmóti BFSÍ í dag eru ekki komnar inn en sem komið er, en staða Bikarmeistara BFSÍ á World Series Open heimslista er algerlega ótrúleg.

Guðbjörg Reynisdóttir er efst á berboga kvenna World Series Open heimslistanum og miðað við tölfræði er útlit fyrir að það verði svo gott sem ómögulegt að velta henni úr því sæti. Guðbjörg var í 5 sæti á EM innandyra 2022 og miðar á verðlaun á EM 2023. En sem komið er þá eru þrjú efstu sætin á World Series Open berboga kvenna heimslistanum allt Íslenskar konur.

World Series Open tímabilið hófst 1 nóvember og er ekki en lokið. Því gæti okkar fólk lækkað eitthvað á World Series Open heimslista eftir að öðrum mótum í mótaröðinni á heimsvísu lýkur og listinn er uppfærður í síðasta sinn. Margir sterkir keppendur í heiminum eiga eftir að taka þriðja skor og gætu þá hoppað hærra á lista. Lokaniðurstöður World Series Open U21 ranking munu liggja fyrir 10 janúar, en í fullorðinna munu lokaniðurstöður líklega koma út 5 febrúar. En samt frábær árangur hjá okkar fólk á tímabilinu, vel af sér vikið að vera hátt á heimslista og aðeins örfáir daga eða vikur eftir af mótaröðinni. Það eru því góðar líkur á því að Ísland muni eiga nokkra í top 10 í mismunandi keppnisgreinum 💪

World Series Open innandyra mótaröðin samanstendur af mörgum tugum eða hundruðum móta um allan heim sem mæta kröfum og stöðlum World Archery til þess að vera partur af mótaröðinni. Starfsfólk BFSÍ hefur verið eitt það iðnasta við að skipuleggja slík mót. Stig á World Series Open heimslistanum byggjast á þremur bestu niðurstöðum keppenda úr undankeppni móta sem tengd eru mótaröðinni, hvar sem þau eru haldin í heiminum.

Guðbjörg vann einnig bikarmótið í dag sem var síðasta mótið í bikarmótaröð BFSÍ 2022-2023 tímabilið. Guðbjörg tók einnig við verðlaunum sínum fyrir að vera valin berbogakona ársins 2022 af BFSÍ.

Bikarmeistarar BFSÍ árið 2023 eru:

  • Marín Aníta Hilmarsdóttir úr BF Boganum í Kópavogi er bikarmeistari BFSÍ í sveigbogaflokki
  • Alfreð Birgisson úr ÍF Akur á Akureyri er bikarmeistari BFSÍ í trissubogaflokki
  • Guðbjörg Reynisdóttir úr BF Hróa Hetti í Hafnarfirði er bikarmeistari BFSÍ í berbogaflokki

Konur sýndu hörku og sigruðu bardaga kynjana árið 2023 með tvo af þrem bikarmeistaratitlum. En um langt skeið var útlit fyrir að konur myndu taka alla þrjá titlana 2023. Bikarmótaröð BFSÍ er kynlaus (keppni óháð kyni/unisex) og er opin öllum iðkendum innan aðildarfélaga BFSÍ.

Við óskum þeim öllum til hamingju með titilinn og árangurinn.

Svo förum við á EM innandyra í febrúar og tökum þetta, áfram Ísland við viljum verðlaun heim takk 🙏

Be the first to comment

Leave a Reply

Your email address will not be published.


*


Ert þú manneskja? * Time limit is exhausted. Please reload CAPTCHA.

This site uses Akismet to reduce spam. Learn how your comment data is processed.