Tinna Guðbjartsdóttir vinnur fyrsta Íslandsmeistaratitil sinn á ÍM25 um helgina

23/06/2025 Guðmundur Fréttir 0

Tinna Guðbjartsdóttir tók sinn fyrsta Íslandsmeistaratitil í langboga á Íslandsmeistaramótinu á sunnudaginn síðastliðinn.

Tinna mætti liðsfélaga sínum Guðrúnu Þórðardóttir úr Langbogafélaginu Freyju í úrslitaleiknum. Tinna tók fyrstu lotuna 16-14 og 2-0 forystu í leiknum. Guðrún tók lotu 2 20-17 og jafnaði 2-2. Tinna tók svo þriðju lotuna naumlega 17-15 og 4-2 stig forystu. Tinna tók svo fjórðu lotuna örugglega og þar með sigurinn 6-2, gullið og sinn fyrsta Íslandsmeistaratitil.

ÍM25 var fyrsta Íslandsmeistaramót þar sem keppt var um formlegann titil í langboga/hefðbundnum bogum og því er þetta einnig fyrsti Íslandsmeistaratitill í flokknum ásamt því að vera fyrsti Íslandsmeistaratitill Tinnu.

Tinna tók einnig bronið í keppni óháð kyni í brons úrslitaleiknum 6-4

Tinna setti einnig Íslandsmetið í félagsliðakeppni ásamt liðsfélögum sínum í Langbogafélaginu Freyju á mótinu og þau tóku Íslandsmeistaratitilinn í félagsliðakeppni líka.

Samantekt af árangri Tinnu á ÍM25 utandyra: 

  • Íslandsmeistari Langboga kvenna – Tinna Guðbjartsdóttir – LFF
    • Fyrsti formlegi titill í longbow/traditional utandyra. Fyrsti titill Tinnu í bogfimi. TinTin for the WinWin
  • Íslandsmeistari Langboga félagsliða – LF Freyja
    • Tinna Guðbjartsdóttir
    • Guðrún Þórðardóttir
    • Haukur Hallsteinsson
  • Brons Langboga (óháð kyni) – Tinna Guðbjartsdóttir
  • LF Freyja – Íslandsmet Langboga undankeppni félagsliðakeppni – 1069 stig
    • Tinna Guðbjartsdóttir
    • Guðrún Þórðardóttir
    • Haukur Hallsteinsson

Mögulegt er að lesa nánar um Íslandsmeistaramótið í frétt Bogfimisambands Íslands hér:

Íslandsmeistaramótið utandyra byrjaði í ofsaveðri en endaði í blíðu og nýtt þátttökumet á árinu á Íslandsmótum í meistaraflokki