Þórdís Unnur Bjarkadóttir úr BF Boganum í Kópavogi fjóra Íslandsmeistaratitla og sló Íslandsmet í félagsliðakeppni á Íslandsmóti ungmenna í bogfimi sem haldið var í Kópavogi 9-10 ágúst.
Þórdís vann Íslandsmeistaratitil U18 kvenna og Íslandsmeistaratitil U18 óháð kyni frekar auðveldlega á laugardeginum, en þurfti að berjast hart á sunnudeginum fyrir titlunum í U21 kvenna þar sem hún tók sigurinn 130-122 og tók titilinn, en hún náð ekki titilinum í U21 óháð kyni, þar tók liðsfélagi hennar Ragnar Smári Jónasson titilinn í gull úrslitaleiknum 135-131.
Ragnar og Þórdís stóðu sig svo glæsilega í keppni um Íslandsmeistaratitil félagsliða U21. Þau voru með hæsta skor í undankeppni og nýtt Íslandsmet félagsliða í greininni 1348 stig. Þau unnu einnig útsláttarleikina mjög örugglega með endanlegum sigri í gull úrslitum 150-130 og tóku titilinn.
4 af 5 mögulegum titlum er býsna gott, sérstaklega þegar að andstæðingurinn var ný búinn að slá 3 ára gamalt met í meistaraflokki karla.
Samantekt af helsta árangri á mótinu:
- Íslandsmeistari trissubogi U18 kvenna – Þórdís Unnur Bjarkadóttir BFB
- Íslandsmeistari trissubogi U18 (óháð kyni) – Þórdís Unnur Bjarkadóttir BFB
- Íslandsmeistari trissubogi U21 kvenna – Þórdís Unnur Bjarkadóttir BFB
- Silfur trissubogi U21 (óháð kyni) – Þórdís Unnur Bjarkadóttir BFB
- Íslandsmeistari trissubogi U21 lið – BF Boginn
- Ragnar Smári Jónasson
- Þórdís Unnur Bjarkadóttir
- Íslandsmet – BF Boginn – Trissubogi U21 lið – 1348 stig (metið var áður 1215 stig)
- Þórdís Unnur Bjarkadóttir
- Ragnar Smári Jónasson
Mögulegt er að lesa nánar um mótið í frétt Bogfimisambands Íslands hér:
18 Íslandsmet og 32 Íslandsmeistaratitlar veittir á ÍM ungmenna og öldunga um helgina