Sóldís Inga tvöfaldur Íslandsmeistari U16 og sló Íslandsmet

13/04/2025 Guðmundur Fréttir 0

Sóldís Inga Gunnarsdóttir vann um helgina tvo Íslandsmeistaratitla í trissuboga U16 flokki (einstaklings kvenna og félagsliða). Ásamt því sló Sóldís Íslandsmetið í félagsliðakeppni U16 undankeppni með liðsfélaga sínum Magnúsi í BF Boganum.

Í trissuboga U16 kvenna var Sóldís efst í undankeppni mótsins og í gull úrslitaleiknum vann Sóldís Inga öruggann sigur 138-113 gegn Nila Poliak úr BF Boganum.

Í trissuboga U16 (óháð kyni) var Sóldís einnig efst í undankeppni. Í 8 manna úrslitum vann Sóldís öruggann sigur 143-80 gegn Indriða Helga úr sama félagi. Í undanúrslitum mætti hún Birkir Björnsson úr sama félagi, Sóldís tók öruggann sigur 145-127 einu stigi undir Íslandsmetinu. Sóldís hélt því í gull úrslitin óháð kyni þar sem hún mætti Magnúsi Darra liðsfélaga sínum í félagsliðakeppni. Sóldís var að skjóta vel en var óheppin með að örvarnar voru alltaf rétt fyrir utan tíuna, Magnús fann hinsvegar tíuan í leiknum og náði yfirhöndinni og tók sigurinn 143-138, Sóldís tók því silfrið í keppni óháð kyni. Bergur úr BF Boganum tók svo bronsið 137-123 á móti liðsfélaga sínum Birki.

Í trissuboga U16 félagsliðakeppni tóku Sóldís Inga og Magnús Darri, liðsfélagi hennar í BF Boganum, Íslandsmeistaratitilinn með 1135 stigum á móti 1108 stigum frá Boganum liði 2. Skaust á Egilstöðum tók bronsið. Magnús og Sóldís slógu einnig Íslandsmetið í trissuboga U16 félagsliðakeppni með skorið 1135, en metið var áður 1124.

Samantekt af árangri Sóldísar á Íslandsmóti U16:

  • Íslandsmeistari Trissubogi U16 kvenna – Sóldís Inga Gunnarsdóttir – BFB Kópavogur
  • Silfur Trissubogi U16 (óháð kyni) – Sóldís Inga Gunnarsdóttir – BFB Kópavogur
  • Íslandsmeistari Trissuboga félagsliðakeppni U16 – BF Boginn Kópavogi
    • Magnús Darri Markússon
    • Sóldís Inga Gunnarsdóttir
  • Íslandsmet Trissuboga félagsliðakeppni U16 – BF Boginn – 1135 stig (metið var 1124)
    • Sóldís Inga Gunnarsdóttir
    • Magnús Darri Markússon

Íslandsmót U16 innandyra var haldið í Bogfimisetrinu laugardaginn 12 apríl 2025.

Keppt er í fjórum keppnisgreinum

  • sveigboga
  • berboga
  • trissuboga
  • langboga/hefðbundnum bogum.

Keppt er um 4 Íslandsmeistaratitla í hverjum flokki

  • Einstaklings karla
  • Einstaklings kvenna
  • Einstaklings (óháð kyni)
  • Félagsliða (óháð kyni)

Mögulegt er að finna frekari upplýsingar hér:

Íslandsmót U16 – 13 titlar 7 met og 1 afmæli