Íslendingar keppa um 5 Evrópubikarmeistara titla um helgina í sögulegum úrslitum í íþróttinni

15/05/2025 Guðmundur Fréttir 0

Heba Róbertsdóttir í undankeppni. Hún keppir um Evrópubikar um helgina

Það er vægast sagt að frábært gengi hefur verið hjá Íslensku keppendunum á Evrópubikarmóti ungmenna í Sofía Búlgaríu í vikunni.

Íslendingar munu leika í FIMM gull úrslitaleikjum og tveim brons úrslitaleikjum á Evrópubikarmótinu!!!

Ísland aðeins unnið til tveggja verðlauna á Evrópubikarmótum í sögu íþróttarinnar silfur liða 2023 og brons liða 2024. Það er því ótrúlegt að Íslendingar séu að keppa um SJÖ verðlaun á einu Evrópubikarmóti!! Þvílík frammistaða og framför!

Sýnt verður beint frá úrslitaleikjum Íslendinga á Evrópubikarmótinu á Youtube rás Evrópska Bogfimisambandsins (World Archery Europe) með því að smella hér eða með því að smella á hlekkinn í hverjum leik fyrir sig neðar í fréttinni.

Þórdís Unnur Bjarkadóttir v/m einbeitt og tilbúin fyrir næsta skot. Hún mun keppa um Evrópubikar um helgina

Þrír Íslendingar keppa um að verða Evrópubikarmeistara einstaklinga í gull úrslitaleikjum

Þrír Íslendingar munu keppa um að verða Evrópubikarmeistarar í einstaklingsgreinum og eru því búnir að bóka sig inn í sögubækurnar. Enginn Íslendingur hefur unnið til einstaklings verðlauna á Evrópubikarmóti í sögu íþróttarinnar og þau eru öll þrjú búin að tryggja sér silfur að lágmarki.

Baldur Freyr Árnason á æfingavellinum að undirbúa sig fyrri leik á keppnisvellinum. Hann mun keppa um Evrópubikar um helgina.

Fjögur Íslensk lið leika í úrslitum Evrópubikarmótsins.

Tvö Íslensk lið leika í gull úrslitum  og tvö önnur í brons úrslitum Evrópubikarmótsins. Aldrei hafa jafn mörg Íslensk lið leikið til úrslita á Evrópubikarmóti og gott útlit fyrir að Íslendingar vinni sín fyrstu gull verðlaun á Evrópubikarmóti í sögu íþróttarinnar.

  1. Ísland VS Búlgaría
  2. Ísland VS Ítalía
  3. Ísland VS Portúgal
  4. Ísland VS Búlgaría

Mikið af frábærum niðurstöðum

Evrópubikarmótið hefur að vera í gangi síðustu viku (11-17 maí) og í dag (15.05) var síðustu leikjum mótsins að ljúka og ljóst hverjir munu keppa í gull og brons úrslitum liða á föstudaginn og einstaklinga á laugardaginn í beinu streymi.

Gengi Íslensku keppendanna er búið að vera algerlega frábært á mótinu. En fjallað verður ítarlegra um allan árangur Íslendinga í frétt eftir að mótinu lýkur. En hér er eitthvað af þeim árangri sem er kominn í hús frá síðustu 4 dögum mótsins:

Met sem slegin voru á EBU

  • Íslandsmet Berbogi karla meistaraflokkur – Baldur Freyr Árnason – 553 stig (metið var áður 531 stig frá árinu 2019)
  • Íslandsmet Berbogi U21 karla – Baldur Freyr Árnason – 553 stig (metið var áður 511 stig)
  • Íslandsmet Berbogi U18 karla – Baldur Freyr Árnason – 553 stig (metið var áður 511 stig)
  • Íslandsmet Trissubogi U21 karla – Ragnar Smári Jónasson – 679 stig (metið var áður 669 stig)
  • Íslandsmet Trissubogi U18 kvenna – Þórdís Unnur Bjarkadóttir – 142 stig (metið var áður 140 stig)
  • Landsliðsmet í trissuboga U18 kvenna lið undankeppni – 1670 stig
    • Þórdís Unnur Bjarkadóttir
    • Sóldís Inga Gunnarsdóttir
    • Elísabet Fjóla Björnsdóttir
  • Landsliðsmet í berboga Meistaraflokki mixed team undankeppni – 1046 stig
      • Baldur Freyr Árnason
      • Heba Róbertsdóttir
  • Landsliðsmet í berboga U21 mixed team undankeppni – 1046 stig
    • Baldur Freyr Árnason
    • Heba Róbertsdóttir
  • Evrópumet (unofficial/óstaðfest) í berboga U21 mixed team undankeppni – 1046 stig
    • Baldur Freyr Árnason
    • Heba Róbertsdóttir
  • Heimsmet (unofficial/óstaðfest) í berboga U21 mixed team undankeppni – 1046 stig
    • Baldur Freyr Árnason
    • Heba Róbertsdóttir

Lokaniðurstöður Íslensku keppendanna sem hafa þegar lokið keppni í einstaklingakeppni:

  • Ragnar Smári Jónasson – 9 sæti – Trissubogi U21 karla (Sleginn út af Portúgölskum keppanda í 16 manna úrslitum)
  • Magnús Darri Markússon – 9 sæti – Trissuboga U18 karla (Sleginn út af Ítölskum keppanda í 16 manna úrslitum)
  • Eydís Elide Sæmundsdóttir Sartori – 9 sæti – Trissuboga U21 kvenna (Slegin út af Búlgörskum keppanda í 16 manna úrslitum)
  • Elísabet Fjóla Björnsdóttir – 9 sæti – Trissuboga U18 kvenna (Slegin út af Íslenskum keppanda í 16 manna úrslitum)
  • Sóldís Inga Gunnarsdóttir – 9 sæti – Trissuboga U18 kvenna (Slegin út af Ítölskum keppanda í 16 manna úrslitum)
  • Baldur Freyr Árnason – 33 sæti – Sveigbogi U18 karla (Sleginn út af Rúmenskum keppanda í 48 manna leikjum)

Núna er mikilvægast að fylgjast með okkar fólki í úrslitum og hvetja það áfram!!!