Henry Johnston vann silfur verðlaun í berboga karla U21 liðakeppni á Evrópumeistaramótinu innandyra 2025 í Samsun Tyrklandi 17-23 febrúar. Þetta eru fyrstu verðlaun sem Henry hefur unnið á EM og í fyrsta sinn sem hann tekur þátt á EM.
Liðsfélagarnir Baldur, Henry og Ragnar kepptu í úrslitaleik berboga karla liðakeppni á móti heimaþjóðinni Tyrklandi á heimavelli. Tyrkir byrjuðu yfir 2-0 og strákarnir okkar tóku svo næstu tvær lotur 4-2. Tyrkir jöfnuðu svo leikinn 4-4 og knúðu fram bráðabana. Í bráðabananum áttu Tyrkir ótrúlega umferð með næstum fullkomið skor og tryggðu sér sigurinn í gull úrslitaleiknum á EM.
Tyrkir tóku því gullið í liðakeppni í bráðabana gegn Íslensku strákunum eftir jafntefli í úrslitaleiknum. Ísland tók gullið á síðasta EM 2024.
Silfur berbogi karla lið U21 fl.
Liðsmenn
- Baldur Freyr Árnason – BF Boginn Kópavogi
- Henry Johnston – BF Boginn Kópavogi
- Ragnar Smári Jónasson – BF Boginn Kópavogi
Í einstaklingskeppni var Henry sleginn út í 8 manna úrslitum í berboga karla U21 flokki við Viktor Darkhanov frá AIN (hlutlausann íþróttamann frá þjóðum sem eru bannaðar úr íþróttinni vegna stríðs eða annarra ástæðna).
Viktor var talinn mun sigurstranglegri í leiknum en Henry náði þrátt fyrir það að vinna eina af lotunum og tryggja sér 5 sætið á EM U21 í einstaklingskeppni. Eitthvað sem enginn hafði spáð fyrir. Viktor tók svo titilinn á EM í gull úrslitaleik gegn Baldri liðsfélaga Henry.
Niðurstöður Henry á EM 2025 í einstaklings og liðakeppni:
- Henry Johnston – 5 sæti berboga karla U21 (sleginn út af AIN Neutral athlete í 8 manna úrslitum)
- Berbogi U21 karla lið – Silfur (2 sæti)
Nánari upplýsingar um EM 2025 er hægt að finna í frétt Bogfimisambands Íslands hér: