Heba Róbertsdóttir Norðurlandamet, þrjú Íslandsmet og silfur á NM ungmenna

16/07/2024 Guðmundur Fréttir 0

Heba Róbertsdóttir í Bogfimifélaginu Boganum í Kópavogi keppti á ÍM ungmenna utandyra í Hafnarfirði 28 júni og NM ungmenna utandyra (NUM) í Óðinsvé Danmörku 3-7 júlí.

Á Íslandsmóti ungmenna varð Heba Íslandsmeistari í bæði berboga kvenna U21 flokki og berboga U21 óháð kyni.

Heba var efst í undankeppni NM ungmenna með töluverðum mun og sló Norðurlandamet U21 kvenna, Íslandsmetið í Meistaraflokki og U21 kvenna. Hún var því talin sigurstranglegust til þess að taka Norðurlandameistaratitil einstaklinga í sínum flokki.

Á NUM í einstaklings leikjum var Heba það há í skori að hún sat hjá þar til í undanúrslitum. Þar mætti hún Victoria Sørensen frá Noregi sem hún vann auðveldlega 6-0 og Heba fór því í gull úrslitaleikinn. En allt labbið á deginum var farið að taka sinn toll, einn dagur af keppni í bogfimi getur verið allt að 12 klukkutímar að standa og labba, en hún harkaði það af sér og fékk aðstoð frá öðrum keppendum til að sækja og skora örvarnar. Í gull úrslitaleiknum mætti hún Christin Sofie Wiklund sem var næst hæst í undankeppni NUM, Heba var ekki að skjóta illa en örvarnar röðuðust ekki henni í hag í umferðunum og sú Norska tók sigurinn 6-2. Heba endaði því í 2 sæti í einstaklingskeppni á NM ungmenna. Í liðakeppni setti liðið hennar Hebu landsliðsmet á NM ungmenna ásamt því að taka bronsið.

Samantekt af niðurstöðum Hebu á ÍMU og NUM:

  • Silfur berboga kvenna U21 einstaklingskeppni á NM ungmenna
  • Brons berboga U21 liðakeppni á NM ungmenna
  • 1 sæti í undankeppni á NM ungmenna
  • Íslandsmeistari berbogi U21 kvenna á ÍMU
  • Íslandsmeistari berbogi U21 Unisex á ÍMU
  • Norðurlandamet berboga U21 kvenna á NM ungmenna
  • Íslandsmet berboga meistaraflokkur kvenna á NM ungmenna
  • Íslandsmet berboga U21 kvenna á NM ungmenna
  • Berboga U21 NUM landsliðsmet – 1121 stig
    • Heba Róbertsdóttir BFB
    • Maria Kozak SFÍ
    • Auðunn Andri Jóhannesson BFHH

Déskoti góður árangur á 9 dögum.

Frekari upplýsingar um mótin er hægt að finna í fréttum Bogfimisambands Ísland hér:

Frábært gengi Íslands á NM ungmenna í bogfimi um helgina með 5 Norðurlandameistara, 5 Norðurlandamet o.fl.

Kópavogur og Hafnarfjörður sýndu yfirburði á ÍMU í bogfimi utandyra og tóku 27 titla og 7 Íslandsmet