Freyja Dís Benediktsdóttir stóð sig flott á fyrsta móti Indoor World Series (IWS) mótaraðarinnar þar sem hún endaði í 9 sæti. Mótið var haldið 1-3 nóvember í Lausanne Sviss.
Freyja Dís sýndi frábæra frammistöðu á World Series mótinu í fyrra þar sem hún tók silfur. En á þessu ári endaði Freyja í 9 sæti í undankeppni mótsins og rétt missti hún af því að komast 8 manna úrslit. Freyja stóð sig samt vel í undankeppni mótsins og það munaði aðeins 2 stigum 559 á móti 561 stig að hún hefði komist í topp 8. Það kom þó ekki að mikilli sök þar sem að Freyja sigraði auka keppnina (second chance tournament) auðveldlega. Eftir því sem er best vitað er þetta í fyrsta sinn í sögunni sem Íslendingur vinnur “secondary tournament” á World Series móti.
Vegna fjölda keppenda á World Series mótum þá er almennt eitthvað form af auka keppni “secondary tournament”, þar sem að þeir sem komast ekki áfram eftir undankeppni mótsins keppa um einhvers konar verðlaun t.d. búnað eða annað. Þar sem að allt mótið fer fram á einni helgi, í stað heillar viku eins og venjulega, þá þarf að þjappa skipulaginu saman svo að allt komist fyrir tímanlega. Það er meðal annars gert með því að fækka fjölda þeirra sem komast áfram eftir undankeppni.
Freyja er í 9 sæti U21 Elite ranking mótaraðarinar sem stendur. En endanleg niðurstaða mótaraðarinnar verður ekki ljós fyrr en í febrúar.
https://www.worldarchery.sport/events/indoor/elite-ranking?category=Compound%20Under%2021%20Women
Freyja vann silfur á World Series mótinu í Sviss á síðasta tímabili og endaði í 6 sæti á lista og í 9 sæti úrslitamótsins á síðasta tímabili.
Freyja Dís Benediktsdóttir í 9 sæti á úrslitamóti World Series U21 2023-2024 tímabilið
Fyrir þá sem þekkja ekki til. World Series mótaröðin hét áður World Cup. Nafninu var breytt 2019 þar sem að HM innandyra var að mestu sameinað við innandyra mótaröðina. Einnig til þess að gera greinilegri mun á milli utandyra og innandyra mótaraða World Archery. Innandyra=World Series , utandyra=World Cup. World Series Champion er því æðsti titill í innandyra markbogfimi í dag.
Næsta mót Freyju er World Series í Strassen Lúxemborg 15-17 nóvember
Áfram Ísland! (og Freyja)