![20220214_100951](https://i0.wp.com/archery.is/prufa/wp-content/uploads/2022/02/20220214_100951-scaled.jpg?resize=678%2C381&ssl=1)
Evrópumeistaramót innandyra er núna í gangi í Lasko í Slóveníu. Stór hópur Íslenskra keppenda er að keppa á mótinu og gengið hefur verið ágætt.
Í einstaklingskeppni var Daníel í 27 sæti í undankeppni trissuboga karla U21 með skorið 554 og endaði því á móti Tim Jevsnik frá Slóveníu sem var í 6 sæti í undankeppni. Í útsláttarkeppni vann Tim gegn Daníel 147-135 og Daníel er því dottinn út af EM í einstaklings keppni og endaði í 17 sæti í lokaniðurstöðum. Fínasta frammistaða á fyrsta alþjóðlega stórmóti hans.
Í trissuboga liðakeppni U21 á fimmtudaginn mun Daníel ásamt liðsfélögum sínum keppa á móti Danmörku í 8 liða úrslitum. Það verður erfiður leikur þar sem Danska liðið var með hæsta skorið á EM og Mathias Fullerton í Danska liðinu er í öðru sæti á heimslista fullorðinna (semsagt annar besti í heimi óháð aldri), hann vann silfur á EM utandyra fullorðinna og silfur á HM ungmenna. Danmörk hefur lengi verið mjög sterkir í trissuboga flokkum í bogfimi í heiminum.
Daníel er úr Skotfélagi Austurlands (Skaust) í UÍA.
Fínasta frammistaða á fyrsta alþjóðlega stórmóti hans.