Akureyringar Íslandsmeistarar félagsliða og slógu Íslandsmet félagsliða

14/04/2025 Guðmundur Fréttir 0

Íþróttafélagið Akur á Akureyri vann Íslandsmeistaratitilinn í berboga meistaraflokki félagsliða á ÍM innandyra 2025 um helgina í Reykjavík.

Meistaraflokks lið Akurs stóð saman af:

  • Valgeir Árnason
  • Helgi Már Hafþórsson
  • Izaar Arnar Þorsteinsson

Akureyringar voru efstir í undankeppni félagsliða á Íslandsmeistarmótinu og slógu Íslandsmetið í félagsliðakeppni með skorið 1469. En metið var áður 1404 stig og BF Boginn í Kópavogi sem átti metið. Kröftugir Akureyringar á uppleið.

BF Boginn í Kópavogi vann Íslandsmeistaratitil félagsliða 2024 og voru því í titilvörn.

Akureyringar (Akur) mættu Kópavogsbúum (Boginn) í mjög jöfnum gull úrslitaleik Íslandsmeistaramótsins.

(2 stig fyrir að vinna lotu, 1 stig fyrir að jafna liðið sem er fyrr að ná 5 stigum vinnur leikinn, ef leikurinn endar í jafntefli 4-4 er bráðabani sem ræður úrslitum)

Akur tók fyrstu lotu úrslitaleiksins 47-33 og leiddu leikinn 2-0. Boginn tók aðra lotuna 49-48 og jöfnuðu leikinn 2-2. Akureyringar unnu svo þriðju lotuna 44-41 og staðan 4-2 Akureyringum í vil.

Síðasta lotan var mjög jöfn og útlit fyrir að leikurinn gæti endaði í jafntefli og þyrfti bráðabana til að ákvarða Íslandsmeistara félagsliða. En eftir að dómarinn hafði skoðað örvarnar var ljóst að Boginn og Akur jöfnuðu lotuna 45-45 og deildu stigum lotunnar og leikurinn endaði því í sigri Akureyringa 5-3.

Akureyringar tóku því Íslandsmeistaratitil félagsliða 2025 og fyrrum titilhafar og Íslandsmethafar BF Boginn í Kópavogi þurftu að sætta sig við annað sæti.

Samantekt af árangri félagsliðs ÍF Akur á ÍM berboga meistaraflokki:

  • Íslandsmeistari – Berboga félagsliðakeppni – ÍF Akur Akureyri
    • Valgeir Árnason
    • Helgi Már Hafþórsson
    • Izaar Arnar Þorsteinsson
  • Íslandsmet – ÍF Akur – Berboga félagsliðakeppni meistaraflokkur – 1469 stig (metið var áður 1404 stig)
    • Valgeir Árnason
    • Helgi Már Hafþórsson
    • Izaar Arnar Þorsteinsson

Árangur Akureyringar í einstaklingskeppni á ÍM í berboga meistaraflokki 2025:

  • Íslandsmeistari – Berbogi (óháð kyni) – Helgi Már Hafþórsson
  • Brons – Berbogi (óháð kyni) – Izaar Arnar Þorsteinsson
  • Silfur – Berbogi karla – Helgi Már Hafþórsson
  • Brons – Berbogi karla – Izaar Arnar Þorsteinsson
  • Silfur – Berboga kvenna – Heike Viktoría Kristínardóttir
  • Íslandsmet – Izaar Arnar Þorsteinsson – Berboga karla meistaraflokkur – 510 stig (metið var áður 508 stig)

ÍM í berboga og langboga var haldið í Bogfimisetrinu sunnudaginn 13 apríl 2025.

Keppt er um fjóra Íslandsmeistaratitla í hverri íþróttagrein (bogaflokki)

  • Einstaklings karla
  • Einstaklings kvenna
  • Einstaklings (óháð kyni)
  • Félagsliða (óháð kyni)

Mögulegt er að finna frekari upplýsingar hér:

ÍM í berboga/langboga, fyrstu titlar veittir í langboga/hefðbundnum bogum og 75% titla í berboga skiptu um hendur