NUM 2021 Svíþjóð Norðurlandameistaramót Ungmenna

Date/Time
Date(s) - 01/07/2021 - 05/07/2021
All Day

Categories


Nordic Youth Championships (NYCH) 2021 (einnig kallað NUM – Nordiske Undomsmesterskap) verður haldið í Uppsala í Svíþjóð 02.07 – 04-07-2021

Mótið verður haldið í Uppsala Svíþjóð.

Vefsíða viðburðsins sem átti að vera árið 2020 en var frestað vegna Covid-19 https://www.sturarna.se/nych2020/

Líkleg dagskrá og skipulag (óstaðfest):
Fimmtudagur 1 Júlí: Fljúga út.
Föstudagur 2 Júlí: Æfing og úttekt búnaðar keppenda
Laugardagur 3 Júlí: Undankeppni og útsláttarkeppni
Sunnudagur 4 Júlí: Útsláttar- og medalíu keppnir
Mánudagur 5 Júli: Fljúga heim

Mælt er með því að keppendur félagana hafi keppt á að lágmarki einu Íslandsmóti utanhúss áður en þeir taka þátt á NUM, til að hafa einhverja reynslu af utandyramótum. En öllum sem vilja er leyfilegt að fara.

Nýjustu reglur NUM Guide lines NBU English 2019

NUM – Norðurlanda meistaramót ungmenna.

  1. SKRÁNING:
    Skráning fer fram í gegnum íþróttafélögin. Talið við formann íþróttafélagsins ykkar.
  2. LIÐSSTJÓRI FÉLAGS:
    Hvert félag sem sendir keppendur þarf að senda einn liðsstjóra fyrir félagið sem er samskipta aðili við fulltrúa BFSÍ og kemur upplýsingum til íþróttafólki síns félags..
  3. ÞJÁLFARAR:
    Það verður að vera einn ábyrgðarmaður (þjálfari/foreldri/liðsstjóri eða fylgdarmanneskja) per 4 ungmenni í U16 og U18 flokkum sem fara. Einstaklingurinn tekur ábyrgð á þeim keppendum í ferðinni og á keppnisvellinum. Einstaklingurinn þarf að vera 21 árs eða eldri. Yngri en 21 árs geta ekki alltaf ferðast með boga ein. Við erum að treysta mikið á að foreldrar séu almennt að fara með börnunum sínum og nota tækifærið og skipuleggja fríið í kringum NUM. Eða að vinna saman til að fylgja krökkunum á NUM.
  4. FULLTRÚI FRÁ BOGFIMISAMBANDI:
    Það verður einn fulltrúi á staðnum frá Bogfimisambandinu til að vera samskiptaaðili við mótshaldara, miðla upplýsingum til liðsstjóra félagana og aðstoða ef eitthvað kemur upp á, og kemur upplýsingum til liðsstjóra hvers félags. (aðstoð við skráningu, greiðslu og slíkt).
  5. FLUG:
    Allir sjá um að bóka sín eigin flug og koma sér á keppnisstaðinn.
    Þegar búið er að bóka flug þarf að sækja um ferðaleyfi með boga. Félögin sjá um að sækja um slíkt leyfi fyrir sína keppendur. Þegar búið er að bóka flug sendið flug upplýsingar á félagið ykkar.
    (Bogarnir verða að vera skráðir á leyfinu á þjálfarann sem ferðast með börnunum svo að ekki komi upp vandamál í ferðinni vegna aldurs.)
  6. FERÐALEYFI BARNA ANNARA:
    Til að ferðast með börn annara þurfa foreldrar fylla út þetta leyfi og láta viðeigandi hafa (samþykkt vegna ferðar barns til útlanda) https://www.syslumenn.is/thjonusta/fjolskyldumal/utanlandsferd-barns/
  7. GISTING:
    Við mælum með því að þeir sem geta, bóki eigin gistingu þegar dagsetningar eru staðfestar til að geta bókað sem ódýrasta ferð og jafnvel að gera fjölskyldu frí úr ferðinni í leiðinni.
    Official accommodation (Gistingin) sem er hægt að bóka í gegnum mótshaldara er oftast tómt skóla/íþróttahús, koma þarf með eigin dýnur, svefnpoka eða svipað og um 20 manns per skólastofu.
    Almennt er gert ráð fyrir því að koma keppenda sem notfæra sér “official accommodation” sé á Föstudegi og för keppenda af mótinu sé á Sunnudagskvöldi. Við höfum venjulega verið að fljúga út á Fimmtudegi og heim á Mánudegi. Þeir sem bóka eigin gistingu geta að sjálfsögðu farið hvenær sem er út og heim.
  8. ALDURSFLOKKAR:
    Á NUM eru 3 aldursflokkar,
    Junior (18-19 og 20 ára)
    Cadet (17 og 18 ára)
    Nordic Cadet (13-14 og 15 ára)
    12 ára og yngri er meinuð þáttaka á mótinu samkvæmt reglum Norðurlandasambandins (við ráðum því ekki). Aldurinn miðast við fæðingarár ekki fæðingardag.
  9. LIÐAKEPPNI:
    Allir taka þátt í unisex liðakeppni, ef land er ekki með nægilegt magn keppenda í ákveðnum flokki til að búa til lið er sópað saman afgangs einstaklingum í “Nordic Team”. Þannig að munið að læra hvernig liðaútsláttur fer fram og hafa æft ykkur áður en þið farið.
  10. KEPPNISFÖT:
    Keppendur verða að vera í búningum íþróttafélagsins eða landsliðs búningi. (“All archers shall wear either club shirt or team shirt”). Hægt er að finna upplýsingar um landsliðsbúninginn á bogfimi.is og upplýsingar um félagsbúninga hjá félaginu.
  11. KOSTNAÐUR:
    Félögin skulu halda utan um kostnað vegna verkefnisins (bílaleigubílar, flug, gisting o.sv.frv.) og senda það til BFSÍ. Til þess að geta haldið utan um heildarkostnað mótsins og keppenda tengdum viðburðinum.

Facebook síða Norðurlandasambandsins

Youtube síða Norðurlandasambandsins

Ef ykkur vantar einhverjar viðbótar upplýsingar eða hafið einhverjar spurningar hafið samband við íþróttafélagið ykkar.


Skor og þátttaka á fyrri NUM mótum.

NYCH 2020 Svíþjóð (Aflýst vegna Covid-19)

NUM 2019 Danmörk

NUM 2018 Noregi

NUM 2017 Finlandi
Heildarúrslit 2017

NUM 2016 Danmörku
Heildarúrslit 2016

NUM 2015 Svíþjóð
Heildarúrslit 2015

NUM 2014 Noregi
Heildarúrslit 2014

Við mælum með því að skoða skor og þátttökufjölda af fyrri mótum áður en ákveðið er að taka þátt á móti. Einnig er gott að láta keppendurnar taka skor og bera sig saman við fyrri skor af mótum svo að ungmennin viti hvað þau eru að fara út í. (munið að skoða vegalengdirnar sem er verið að keppa á og læra liðakeppni)

NUM er ekki hugsað sem mót með “fullri alvöru”. Mótið er hugsað sem reynslu mót og hittingur fyrir krakka á norðurlöndum. Ásamt því er þetta vettvangur fyrir bestu krakkana á norðurlöndum til þess að keppa um titil. Því er getustig keppenda mjög mismunandi.

———————————————————–

 

Be the first to comment

Leave a Reply

Your email address will not be published.


*


Ert þú manneskja? * Time limit is exhausted. Please reload CAPTCHA.

This site uses Akismet to reduce spam. Learn how your comment data is processed.